नेपालगन्जमा नव उद्यमीहरुको हाटबजार (फोटो फिचरसहित)

स्थानीय

गृहपृष्ठ
स्थानीय
नेपालगन्जमा नव उद्यमीहरुको हाटबजार (फोटो फिचरसहित)

नेपालगन्जमा नव उद्यमीहरुको हाटबजार (फोटो फिचरसहित)

बुधबार, असोज १३, २०७८ बागेश्वरी पोस्ट

नेपालगन्ज । नेपालगन्ज उपमहानगरपालिकाको कार्यालय परिसरमा मंगलवार नव उद्यमीहरुले हाटबजार आयोजना गरी आफ्ना उत्पादनहरुको प्रदर्शनी गरेका छन् ।

नेपालगन्ज उपमहानगरपालिकाको 'नव उद्यमशाला' कार्यक्रम अन्तर्गत् छनौट भएर तालिम लिइरहेका १४ जना नव उद्यमीहरुले आफ्ना उत्पादनहरुको प्रदर्शनी गरेका हुन् । नेपालगन्ज उपमहानगरपालिकाको आर्थिक सहयोगमा अन्तरप्रेरणा प्रालिले नव उद्यमीहरुलाई तालिम दिइरहेको छ । तालिममा व्यवसायलाई चाहिने आधारभूत कुराहरु सम्बन्धि परामर्श र प्रशिक्षण दिइएको छ । लगानीमैत्री बनाउन सिकाई उपलब्धि पश्चात् सहभागी व्यवसायीहरुको माग र आवश्यकताका आधारमा नेपालगन्ज उपमहानगरपालिकाबाट ऋण उपलब्ध गराउने लक्ष्य लिइएको सामाजिक शाखा प्रमुख कृष्ण प्रसाद जोशीले बताए ।

'नव उद्यमशाला' कार्यक्रममा सहभागी भइरहेका उद्यमी व्यवसायीहरुको व्यवसाय प्रवर्द्धनका लागि हाटबजार आयोजना गरिएको हो । हाटबजारमा अन्य ६ स्थानीय उद्यमीहरुले पनि बस्तु तथा सेवाको प्रदर्शनी गरेका थिए । प्रदर्शनीको मेयर डा. धवल शमशेर राणाले अवलोकन गर्दै नव उद्यमीहरुको हौसला बढाएका थिए ।