नेपालगन्जमा मोटरसाइकलको ठक्करबाट एक जना घाइते

स्थानीय

गृहपृष्ठ
स्थानीय
नेपालगन्जमा मोटरसाइकलको ठक्करबाट एक जना घाइते

नेपालगन्जमा मोटरसाइकलको ठक्करबाट एक जना घाइते

बुधबार, असोज १३, २०७८ बागेश्वरी पोस्ट

नेपालगन्ज । नेपालगन्जमा मोटरसाइकलको ठक्करबाट एक जना पुरुष घाइते भएका छन् ।

गएराती साढे ९ बजेतिर नेपालगन्ज वडा नम्बर १० को कार्यालय अगाडि तीब्र गतिमा आएको भे १० प ५९६६ नम्बरको मोटरसाइकलले पैदल यात्रुलाई ठक्कर दिएको जिल्ला प्रहरी बाँकेले जानकारी दिएको छ ।

मोटरसाइकलको ठक्करबाट नेपालगन्ज १० आदर्शनगर बस्दै आएका लम्कीचुहा ४ कैलालीका अन्दाजी ५५ बर्षका पुरुष नारायण जोशी घाइते भएका हुन् । घाइतेको जोशीको टाउकोमा चोट लागेको छ । गणेशमान चोकदेखि ट्राफिक चोकतिर जाँदै गरेको उक्त मोटरसाइकलले बाटोको आफ्नै साइडमा हिंडिरहेका जोशीलाई ठक्कर दिई फरार हुन खोजेको मोटरसाइकललाई नियन्त्रणमा लिएको स्थानीयहरुले बताएका छन् ।

अहिले उनको नेपालगन्ज मेडिकल कलेज नेपालगन्जमा उपचार भइरहेको प्रहरीले जानकारी दिएको छ । ठक्कर दिने मोटरसाइकल र चालकलाई जिल्ला प्रहरी बाँकेले नियन्त्रणमा लिएको जानकारी दिएको छ ।

रातीको समयमा सडकका पोलहरुमा बत्ती नहुँदा पनि एउटा दुर्घटनाको कारण बन्न पुगेको स्थानीयहरुले बताएका छन् । रातीको समयमा दुर्घटनामा मात्रै नभई अन्य कारणका लागि पनि सम्बन्धित निकायले सडकमा रहेका पोलहरुमा बल्बहरु जडान गर्न अनिवार्य रहेको स्थानीयहरु बताउँछन् ।

प्रकाशित मिति: बुधबार, असोज १३, २०७८ ०८:३६