सशस्त्र प्रहरीद्वारा नेपालगन्जबाट पल्सरसहित लाखौंको अवैध सामाग्री बरामद

स्थानीय

गृहपृष्ठ
स्थानीय
सशस्त्र प्रहरीद्वारा नेपालगन्जबाट पल्सरसहित लाखौंको अवैध सामाग्री बरामद

सशस्त्र प्रहरीद्वारा नेपालगन्जबाट पल्सरसहित लाखौंको अवैध सामाग्री बरामद

बुधबार, असोज १३, २०७८ प्रविण गिरी

नेपालगन्ज । सशस्त्र प्रहरीले नेपालगन्जबाट भन्सार छली गरेर ल्याउँदै गरिएका अवैध सामाग्रीसहित मोटरसाइकल बरामद गरेको छ ।

सशस्त्र प्रहरी बल नम्बर ३० गण बागेश्वरी बाँकेबाट खटिएको गस्ती टोलीले नेपालगन्ज १४ बाबुगाउँबाट लाखौं रुपैयाँ बढीको भन्सार छली गरेर ल्याउदै गरिएका लत्ताकपडा, सुर्तीजन्य सामाग्री लगायतका अन्य किराना सामाग्री बरामद गरेको सशस्त्र प्रहरीले जानकारी दिएको छ ।

सशस्त्र प्रहरी बल नम्बर ३० गणबाट गएराती साढे ९ बजे सशस्त्र प्रहरी सहायक निरीक्षक तिर्थ भाटको कमान्डमा गएको टोलीले १ लाख ६० हजार रुपैयाँ बराबरका लत्ताकपडा, सुपर पावर सुर्ती लगायत अन्य किराना सामाग्री बरामद गरेको सशस्त्र प्रहरीले जानकारी दिएको छ ।

अवैध सामाग्री बोक्न प्रयोग गरिएको भारतीय नम्बर प्लेटको निलो रङ्गको पल्सर मोटरसाइकल समेत बरामद गरेको सशस्त्र प्रहरीले जानकारी दिएको छ । बरामद गरेका सबै अवैध सामाग्रीलाई आजै आबश्यक कारबाहीका लागि नेपालगन्ज भन्सार कार्यालय बुझाइएको सशस्त्र प्रहरीले जानकारी दिएको छ ।

प्रकाशित मिति: बुधबार, असोज १३, २०७८ १०:२६

प्रतिक्रिया दिनुहोस्