चाडपर्वलाई लक्षित गर्दै बाँके प्रहरीले निकाल्यो यस्तो सूचना !

सुरक्षा-अपराध

गृहपृष्ठ
सुरक्षा-अपराध
चाडपर्वलाई लक्षित गर्दै बाँके प्रहरीले निकाल्यो यस्तो सूचना !

चाडपर्वलाई लक्षित गर्दै बाँके प्रहरीले निकाल्यो यस्तो सूचना !

बुधबार, असोज १३, २०७८ बागेश्वरी पोस्ट

नेपालगन्ज । जिल्ला प्रहरी बाँकेले आउँदै गरेको विजया-दशमी, शुभ-दिपावली तथा छठ पर्वलाई लक्षित बिशेष सूचना जारी गरेको छ ।

चाडपर्वमा हुने संभावित घटनाबाट सजग र सतर्क रहन जिल्ला प्रहरी बाँकेले सम्बन्धितलाई बिशेष अनुरोध गरेको छ ।चाडपर्वमा आफू मात्र नभई अरुको पनि ख्याल राख्न जिल्ला प्रहरीले अनुरोध गरेको छ ।

जिल्ला प्रहरी बाँकेले विजया दशमी, शुभ-दिपावली तथा छठ पर्वको शुभकामना समेत दिएको छ ।

चाँडपर्वमा हुने घटनाबाट बच्न जारी गरिएको सूचना यस्तो छ !
१-यात्रा गर्दा वा अन्य जुन सुकै अवस्थामा पनि अपरिचित ब्यक्तिले दिएको कुनै पनि चिज बस्तु नखानुहोस् र नलिनुहोस् ।
२-मादक पदार्थ सेवन गरी सवारी साधन नचलाऔ र समाजमा हो-हल्ला तथा झै-झगडा नगरौ ।
३-यात्रा गर्दा कुनै समस्या आएमा नजिकैको प्रहरी कन्ट्रोल रुम, प्रहरी कार्यालय, ट्राफिक प्रहरी वा प्रहरीद्वारा स्थापित हेल्प डेक्समा सम्पर्क राखी सहयोग लिनुहोस् ।
४-सवारी साधनका सवारी चालकहरुले मादक पदार्थ सेवन नगरी सिमित गतिमा सवारी साधन चलाई सवारी दुर्घटना हुनबाट बच्न र बचाउनुहोस् ।
५-घर, टोल बाटो-घाटो तथा सार्वजनिक स्थानमा शंकास्पद बस्तु तथा ब्यक्ति देखेमा नजिकैको प्रहरीलाई जानकारी गराउनुहोस् ।
६-लामो समयसम्म घर छोड्नु परेमा छिमेकीलाई वा नजिकैको प्रहरीलाई अनिवार्य जानकारी गराउनुहोस् ।
७-चाँडपर्वको अवसर पारेर अनावश्यक गरगहनाको प्रदर्शन नगरौ तथा गरगहना लगाएर एक्लै हिडडुल नगर्नुहोस् ।
८-ठुलो परिणाममा पैसा बोकेर एक्लै हिडडुल नगरौ वा बैँकहरुबाट पैसा झिक्दा वा जम्मा गर्दा आर्थिक सुरक्षा सतर्कता अपनाउनुहोस् ।
९-कुनै पनि स्थानमा जुवा तास नखेलौ र नखेलाउनुहोस् ।
आतिसबाजी, प्रज्वलनशिल पदार्थ,पटका जस्ता बस्तु प्रयोग नगर्नुहोस् ।
१०-रातको समयमा सुत्नु अघि झ्याल ढोका राम्रो सँग बन्द गर्नहोस् ।
११-होटलमा बास बस्दा सुरक्षित स्थानको होटलमा मात्र बस्नुहोस् ।
१२-ठूलो स्वरको आवाज आउने साउण्ड, स्पिकर, बाजा बजाई ध्वनी प्रदुषण नगर्नुहोस् ।
१३-मनोरञ्जनको नाममा मादक पदार्थ तथा लागु औषध सेवन नगर्नुहोस् ।
१४-उद्योगपति, व्यापारीहरु र राजमार्गमा चल्ने सवारी साधनहरुबाट आर्थिक सहयोगको नाममा चन्दा संकलन, चिठ्ठा उपहार जस्ता गैर कानूनी कार्यहरुमा संलग्न नहुनुहोस् ।
१५-आर्थिक कारोबार हुने स्थानहरुमा चोरी, लुटपाट,ठगी डकैती हुन सक्ने भएकोले व्यक्तिगत सुरक्षमा सचेत हुनुहोस् ।
१६-बजारमा कृतिम अभाव, कालोबजारी, अस्वभाविक मुल्यवृद्धि जस्ता कार्य नगर्न हुन सम्पुर्ण उद्यमी, व्यापारी समुदायलाई अनुरोध ।
१७-कोभिड-१९ को जोखिमलाई न्यूनिकरण गर्न स्यानिटाईजर तथा मास्कको प्रयोग गर्ने तथा सामाजि दुरी कायम राख्नुहोस् ।

जिल्ला प्रहरी बाँकेले कुनै घट्ना घट्न गएमा तत्काल तल उल्लेखित सम्पर्क नम्बरमा सम्पर्क गर्न सम्बन्धित सबैलाई अनुरोध गरेको छ ।
प्रहरी कन्ट्रोल रुम : १००, ९८५८०९०११०
प्रहरी संचार कक्ष : ९८५८०९०९५५
कार्यालय प्रमुख : ९८५८०५५५५५