बन्जी जम्पिङमा बाँकेका पत्रकारलाई ५० प्रतिशत छुट

मनोरञ्जन

गृहपृष्ठ
मनोरञ्जन
बन्जी जम्पिङमा बाँकेका पत्रकारलाई ५० प्रतिशत छुट

बन्जी जम्पिङमा बाँकेका पत्रकारलाई ५० प्रतिशत छुट

बुधबार, असोज १३, २०७८ बागेश्वरी पोस्ट

नेपालगन्ज । पोखरास्थित बन्जी नेपाल एड्भेन्चर्स प्रालि र नेपाल पत्रकार महासंघ बाँकेबीच बन्जी जम्पिङ खेलका लागि पत्रकारहरुलाई छुट दिने बिषयमा सम्झौता भएको छ । पत्रकार महासंघ बाँकेले जिल्लाभरका पत्रकारलाई बन्जी जम्पिङ खेलका लागि छुट दिने बिषयमा सम्झौता गरेको हो ।

पर्यटन प्रबर्द्धनका लागि नेपालगन्ज आइपुगेका एड्भेन्चरका प्रमुख र महासंघ अध्यक्ष दामोदर भण्डारीबीच मंगलबार बन्जी खेल खेल्न इच्छुक पत्रकारलाई ५० प्रतिशत छुट दिने बिषयमा सम्झौता भएको छ ।

सम्झौतामा पोखरा पुगेर बन्जी जम्प गर्न चाहने बाँकेमा क्रियाशील पत्रकारहरुले पत्रकार महासंघ बाँकेबाट सिफारिस लिएर जानुपर्ने उल्लेख छ । सिफारिसका आधारमा पत्रकारहरुले तोकिएको मूल्य भन्दा आधा छुटमा बन्जी जम्प गर्न सक्नेछन् ।

यो सम्झौताबाट बिदा मनाउने क्रममा बन्जी खेल्न अभिरुची राख्ने पत्रकारलाई सहयोग त पुग्ने नै छ साथै पर्यटन प्रबर्द्धनका लागि नेपालगन्ज-पोखराबीच सामिप्यता बढाउन भइरहेका प्रयासलाई प्रोत्साहन गर्ने महासंघले विश्वास लिएको छ ।

प्रकाशित मिति: बुधबार, असोज १३, २०७८ १८:२२