एसपी अधिकारीको जमुनाहा नाकामा छड्के जाँच, धेरै प्रहरी जिल्ला तानिए

स्थानीय

गृहपृष्ठ
स्थानीय
एसपी अधिकारीको जमुनाहा नाकामा छड्के जाँच, धेरै प्रहरी जिल्ला तानिए

एसपी अधिकारीको जमुनाहा नाकामा छड्के जाँच, धेरै प्रहरी जिल्ला तानिए

बुधबार, असोज १३, २०७८ बागेश्वरी पोस्ट

फाइल फोटो

नेपालगन्ज । नायक फिल्ममा हिरो अनिल कपुरले गरे झैं मुखमा रुमाल बाँधेर साधा पोशाकमा बाँके प्रहरी प्रमुख एसपी श्याम कृष्ण अधिकारीले आज नेपालगन्ज सीमा नाका जमुनाहामा गएर छड्के चेकजाँच गरेका छन् ।

भारतबाट फर्केका नेपालीहरुको अवस्था र जमुनाहाको बिहानी दृश्य हेर्न डिएसपी मधुसुदन न्यौपानेसहित आफैं पुगेका एसपी अधिकारीले त्यहाँ खटिएका धेरै प्रहरीको चित्तबुझ्दो कार्य नपाएपछि कतिपय प्रहरीलाई जिल्ला प्रहरी कार्यालय फिर्ता बोलाएका छन् ।

भारतबाट फर्केका नेपालीहरुले सीमा नाकामा दु:ख पाएको, रिक्सा र गाडीवालाले समेत उनीहरुलाई सास्ती दिएको गुनासो आए लगत्तै एसपी अधिकारी जमुनाहा पुगेका थिए ।

छड्के जाँचमा एसपी अधिकारीले त्यहाँका प्रहरी इन्चार्जलाई अब आइन्दा भारतबाट आउने नेपालीले दु:ख पाएको खबर पाए सबैलाई कारबाही गर्ने चेतावनी समेत दिएका छन् । एसपी अधिकारीले त्यहाँको ट्राफिक ब्यबस्थापन चुस्त बनाउन निर्देशन समेत दिएका छन् । एसपी अधिकारीले ठाँउको ठाँउ यस्तो सर्हानीय कार्य गरेको भन्दै भारतबाट आउने नेपालीहरुले उनको प्रशंसा गरेका थिए ।

प्रकाशित मिति: बुधबार, असोज १३, २०७८ २०:०८

प्रतिक्रिया दिनुहोस्