जमुनाहा प्रहरीको नयाँ इन्चार्जमा बिष्ट

स्थानीय

गृहपृष्ठ
स्थानीय
जमुनाहा प्रहरीको नयाँ इन्चार्जमा बिष्ट

जमुनाहा प्रहरीको नयाँ इन्चार्जमा बिष्ट

शनिबार, असोज १६, २०७८ बागेश्वरी पोस्ट

नेपालगन्ज । नेपालगन्जको मुख्य सीमा नाकामा रहेको इलाका प्रहरी कार्यालय जमुनाहामा नयाँ इन्चार्ज खटाइएको छ ।

त्यहाँको नयाँ इन्चार्जको जिम्मेवारी वडा प्रहरी नेपालगन्जमा कार्यरत प्रहरी नायब निरीक्षक मीन बहादुर बिष्टलाई दिइएको जिल्ला प्रहरी बाँकेले जानकारी दिएको छ ।

गत बुधबार जिल्ला प्रहरी बाँकेका प्रमुख एसपी श्याम कृष्ण अधिकारीको छड्के चेकिङमा जमुनाहा नाकामा प्रहरीको कार्य सन्तोषजनक नपाएपछि एकै पटक १७ जना प्रहरीलाई जिल्ला तानिएको थियो ।

जमुनाहाका पुराना इन्चार्ज प्रहरी नायब निरीक्षक पुर्ण खत्रीलाई समेत जिल्ला तानेर नायब निरीक्षक बिष्टलाई त्यहाँ खटाइएको छ । प्रहरी नायब निरीक्षक बिष्टले जमुनाहाको कमान्ड हिजैदेखि सम्हालिसकेका छन् ।

प्रकाशित मिति: शनिबार, असोज १६, २०७८ १०:०५