राधापुरमा चाडपर्वलाई लक्षित गर्दै बाँके प्रहरीले गर्यो अन्तरक्रिया कार्यक्रम

सुरक्षा-अपराध

गृहपृष्ठ
सुरक्षा-अपराध
राधापुरमा चाडपर्वलाई लक्षित गर्दै बाँके प्रहरीले गर्यो अन्तरक्रिया कार्यक्रम

राधापुरमा चाडपर्वलाई लक्षित गर्दै बाँके प्रहरीले गर्यो अन्तरक्रिया कार्यक्रम

शनिबार, असोज १६, २०७८ बागेश्वरी पोस्ट

नेपालगन्ज । बाँकेको खजुरा गाउँपालिका वडा नम्बर १ मा चाडपर्वलाई लक्षित गरेर अन्तरक्रिया कार्यक्रम गरिएको छ ।

प्रहरी चौकी राधापुरमा आज गरिएको अन्तरक्रिया कार्यक्रममा जिल्ला प्रहरी बाँके प्रमुख एसपी श्यामकृष्ण अधिकारीले आउँदै गरेको चाडपर्वमा हुन सक्ने सम्भावित अपराधिक घटना नियन्त्रण तथा शान्ति सुरक्षा व्यवस्थापन सम्बन्धमा कसरी सचेत रहने बिषयमा प्रष्ट पारेका थिए ।

एसपी अधिकारीले त्यहाँका जनप्रतिनिधि, राजनीतिक दल, स्थानीय बासिन्दा लगायतका व्यक्तिहरुसँग सम्बन्धित प्रसङ्गमा कसरी प्रहरी र नागरिकले हातेमालो गरेर समाजलाई अपराधमुक्त र टोल-टोलमा शान्ति सुरक्षाको राम्रो व्यवस्थापन गर्न सकिन्छ भन्ने बारेमा धारणा राखेका थिए । कार्यक्रममा जनप्रतिनिधि लगायत सबैले प्रहरीलाई सहयोग गर्नु नागरिकको कर्तब्य रहेकाले सबैले प्रहरीको कार्यलाई साथ दिनुपर्ने कुरामा जोड दिएका थिए ।

कार्यक्रममा डिएसपी मधुसुधन न्यौपानेले प्रहरी जनाताको सुरक्षा र सेवामा सदैब तत्पर रहेकाले प्रहरीलाई नागरिकको पनि साथ आबश्यक रहेको बताएका थिए । कार्यक्रममा स्थानीय बासिन्दा लगायत अन्य प्रहरी कर्मचारीको सहभागिता रहेको थियो ।

प्रकाशित मिति: शनिबार, असोज १६, २०७८ २०:०४

प्रतिक्रिया दिनुहोस्