आजदेखि नेपालगन्ज नाका खुला, नेपाली सवारीसाधन रुपईडिहा जान थाले

स्थानीय

गृहपृष्ठ
स्थानीय
आजदेखि नेपालगन्ज नाका खुला, नेपाली सवारीसाधन रुपईडिहा जान थाले

आजदेखि नेपालगन्ज नाका खुला, नेपाली सवारीसाधन रुपईडिहा जान थाले

आइतबार, असोज १७, २०७८ बागेश्वरी पोस्ट

सुमिर गिरी/नेपालगन्ज । नेपालगन्जको मुख्य सिमा नाका आजदेखि खुल्ला भएको छ । जमुनाह सिमा नाकामा रोक लगाइएको सवारीसाधनहरु अब भने ओहोरदोहोर गर्न सुरु गरेका छन् ।

जमुनाह नाकाबाट भारतको रुपईडिहातर्फ सवारीसाधनहरु जान सुरु भइसकेको जमुनाह प्रहरी कार्यालयका इन्चार्ज प्रहरी नायब निरीक्षक मीन बहादुर बिष्टले जानकारी दिएका छन् ।

कोरोना महामारी लकडाउनदेखि भारतको रुपईडिहा जान र नेपालगन्ज आउन रोक लगाइएका नेपाली र भारतीय नम्बर प्लेटका निजी सवारीसाधनहरु आजबाट ओहोरदोहोर गर्न सुरु गरेका छन् । सिमामा रहेको भारतीय सिमा सुरक्षा बल (एसएसबी) लाई भारत सरकारको माथिल्लो निकायले नाका सुचारु गर्न निर्देशन दिए पश्चात् नेपाली सवारीसाधनलाई रुपईडिहा प्रबेश गर्न दिएको एसएसबीले जनाएको छ । यसअघि नाकामा पैदलयात्रुलाई आउजाउ गर्न मात्र दिइएको थियो ।

भारतीय नम्बर प्लेटका गाडीहरुलाई भने भन्सार प्रक्रिया पूरा गराएर आज दिउँसो ३ बजेदेखि नेपाल आउन दिइएको प्रहरी नायब निरीक्षक बिष्टले भने । आज केही हदसम्म नाका खुले पनि भोलीदेखि भन्सार कार्यालयमा केही कागजी प्रक्रिया पूरा गरेपछि पूर्ण रुपमा नाका खुला हुने जिल्ला प्रशासन कार्यालय बाँकेले जानकारी दिएको छ ।

प्रकाशित मिति: आइतबार, असोज १७, २०७८ १५:५२