पिप्रहवा र जयसपुरबाट पौने ४ लाखको अवैध सामाग्री बरामद

सुरक्षा-अपराध

गृहपृष्ठ
सुरक्षा-अपराध
पिप्रहवा र जयसपुरबाट पौने ४ लाखको अवैध सामाग्री बरामद

पिप्रहवा र जयसपुरबाट पौने ४ लाखको अवैध सामाग्री बरामद

बिहीबार, असोज २१, २०७८ बागेश्वरी पोस्ट

नेपालगन्ज । नेपालगन्जबाट सशस्त्र प्रहरीले भन्सार छली गरेर ल्याइँदै गरिएका ठूलो परिमाणमा अवैध सामाग्री बरामद गरेको छ ।

नेपालगन्जस्थित सशस्त्र प्रहरी बल नम्बर ३० गण बागेश्वरी बाँके र जमुनाहा बिओपीबाट खटिएको टोलीले गएराती भारतबाट नेपालगन्ज ल्याउँदै गरिएको लाखौं रुपैयाँ बराबरको अवैध सामाग्री बरामद गरेको सशस्त्र प्रहरी बाँकेले जानकारी दिएको छ ।

सशस्त्र प्रहरी गणबाट सशस्त्र प्रहरी सहायक निरीक्षक राधेश्याम चौधरीको कमाण्डमा गएको टोलीले नेपालगन्ज १५ पिप्रहवा र जमुनाहा बिओपीबाट सशस्त्र प्रहरी नायब निरीक्षक योगेन्द्र शाही ठकुरीको कमाण्डमा गएको टोलीले नेपालगन्ज १६ जयसपुर नाकाबाट भन्सार छली गरेर ल्याइँदै गरिएका अवैध सामाग्री बरामद गरेको जमुनाहा बिओपीका प्रमुख सशस्त्र प्रहरी निरीक्षक जीवनलाल बुढाले जानकारी दिएका छन् ।

No description available.

बिओपी प्रमुख बुढाका अनुसार नायब निरीक्षक ठकुरीको कमाण्डको टोलीले लत्ताकपडा¸ छुर्पी¸ हरियो तरकारी¸ किराना सामान र सुपारी सहितका अवैध सामाग्री बरामद गरेको छ । अवैध सामाग्री ओसारपसारमा प्रयोग भएको UP 40 M ८२७३ नम्बर प्लेटको भारतीय मोटरसाइकल समेत बरामद गरेको प्रमुख बुढाले बताए ।

No description available.

सशस्त्र प्रहरी गण र बिओपी जमुनाहा बिओपीले बरामद गरिएका सबै ३ लाख ६० हजार ७७० रुपैयाँ बराबरका अवैध सामग्रीलाई आजै आबश्यक कारबाहीका लागि नेपालगन्ज भन्सार कार्यालय बुझाएको बिओपी प्रमुख बुढाले जानकारी दिएका छन् ।

प्रकाशित मिति: बिहीबार, असोज २१, २०७८ १३:४२