पत्रकार महासंघ बाँकेद्वारा डा.योगीसहित एक दर्जनलाई सम्मान

स्थानीय

गृहपृष्ठ
स्थानीय
पत्रकार महासंघ बाँकेद्वारा डा.योगीसहित एक दर्जनलाई सम्मान

पत्रकार महासंघ बाँकेद्वारा डा.योगीसहित एक दर्जनलाई सम्मान

पत्रकारहरुको दुर्घटना विमा

शुक्रबार, असोज २२, २०७८ बागेश्वरी पोस्ट

नेपालगञ्ज । नेपाल पत्रकार महासङ्घ बाँके शाखाले जिल्लामा क्रियाशील सम्पूर्ण पत्रकारहरुको दुर्घटना विमा गरेको छ ।

नेपालगञ्जमा आज आयोजित कार्यक्रममा नेपाल पत्रकार महासङ्घका केन्द्रिय अध्यक्ष विपुल पोखरेलको उपस्थितिमा सगरमाथा इन्स्योरेन्स नेपालगञ्जका प्रमुख गोविन्द उपाध्यायले नेपाल पत्रकार महासङ्घ बाँकेका अध्यक्ष दामोेदर भण्डारीलाई विमा पोलिसी हस्तान्तरण गरी दुर्घटना विमा कार्यान्वयन भएको जानकारी दिए । नेपाल पत्रकार महासङ्घ बाँके शाखामा आवद्ध ३२३ जना पत्रकारसहित जम्मा ३५३ जना पत्रकारहरुको दुई लाख रुपैयाँको दुर्घटना विमा गरिएको छ ।

यस्तै नेपाल पत्रकार महासंघ बाँके शाखाले कोभिड–१९ रोकथाम र नियन्त्रणमा महत्वपूर्ण भूमिका निर्वाह गरेको भन्दै नेपालगन्ज मेडिकल कलेजका फिजिसियन छाती तथा फोक्सो रोग विशेषज्ञ डा. सुभाष योगी, स्वास्थ्य कार्यालय बाँकेका खोप अधिकृत भेषराज शर्मा, जिल्ला आपतकालीन कार्य संचालन केन्द्रका सूचना व्यवस्थापन अधिकृत रुपन ज्ञवाली, स्वास्थ्य कार्यालय बाँकेका अधिकृत नरेश श्रेष्ठ, जिल्ला कोभिड १९–व्यवस्थापन केन्द्रका फोकल पर्सन तेज वली, कोहलपुर नगरपालिकाका स्वास्थ्य शाखाका ल्याव टेक्निसियन दिपक शर्मा, जे शर्मा मेडिकलका संचालक जीवन शर्मालाई सम्मान गरिएको हो ।

यस्तै वडा प्रहरी कार्यालय नेपालगन्जका इन्चार्ज प्रहरी निरीक्षक डिल्ली खड्का, गैसस महासंघ बाँकेका अध्यक्ष नमस्कार शाह, व्यवसायी विवेकराज भण्डारी र दिपेन्द्र विष्ट पनि सम्मानित भएका छन् ।

फोटो फिचर

No description available.