बी-ग्रुपको अध्यक्षमा टेक बहादुर पुन

स्थानीय

गृहपृष्ठ
स्थानीय
बी-ग्रुपको अध्यक्षमा टेक बहादुर पुन

बी-ग्रुपको अध्यक्षमा टेक बहादुर पुन

शनिबार, असोज २३, २०७८ बागेश्वरी पोस्ट

नेपालगन्ज । भेरी वातावरणीय विशिष्टता समूह (बी–ग्रुप) बाँकेको २२ औं साधारणसभा र ७औं अधिवेशनबाट टेक बहादुर पुन अध्यक्षमा चयन भएका छन् । उपाध्यक्षमा मीरा खनाल सापकोटा, सचिवमा कालिका बस्नेत, कोषाध्यक्षमा नर्वदा दाहाल, सह–सचिवमा कमलराज खत्री, सदस्यहरुमा रिताकुमारी शाही, डा. इन्द्रबहादुर भण्डारी चयन भएका छन् ।

प्रतिनिधिसभा संघीय सचिवालयका सचिव गोपालनाथ योगीको प्रमुख आतिथ्यतामा सम्पन्न भएको उक्त कार्यक्रममा गैरसरकारी संस्था महासंघ जिल्ला शाखा बाँकेका अध्यक्ष नमस्कार शाह, नेपालगन्ज उपमहानगरपालिका वडा नं. १ का अध्यक्ष प्रमोद रिजाल, महेन्द्र बहुमुखी क्याम्पस नेपालगन्जका सहायक क्याम्पस प्रमुख डा. इन्द्रबहादुर भण्डारीको सहभागिता रहेको थियो ।

संस्थाका अध्यक्ष राजकुमार क्षेत्रीको अध्यक्षतामा सम्पन्न भएको उद्घाटन समारोह पानसमा दियो बालेर गरिएको थियो । संस्थाको कार्यकारी समितिका सदस्य मीरा खनाल सापकोटाले स्वागत मन्तव्य राखेकी थिइन् । संस्थाका संस्थापक अध्यक्ष स्वर्गीय डोलबहादुर भण्डारीको मृतआत्माको चिरशान्तिको कामना गर्दै १ मिनेट मौनधारण गरिएको थियो । संस्थाले आर्थिक वर्ष २०७७/०७८ मा गरेको प्रगतिको प्रतिवेदन संस्थाका सचिव टेकबहादुर पुन र आर्थिक प्रतिवेदन संस्थाका कार्यकारी निर्देशक डम्मर सुनारले प्रस्तुत गरेका थिए ।

कार्यक्रममा सहभागी अतिथिहरुले संस्थाले लक्षित समुदायको सशक्तिकरण र स्रोतमा पहुँच विकास गर्न पु¥याएको योगदान, संस्थागत सुसाशन र कोभिड–१९ को महामारीले पारेको नकारात्मक प्रभावलाई न्यूनीकरण गर्न तथा संक्रमणको फैलावटलाई रोकथाम गर्न बाँके र बर्दिया जिल्लामा पु¥याएको योगदानलाई उच्च मूल्याङ्कन गर्दै संस्थाको उत्तरोत्तर प्रगतिको कामनासहित शुभकामना व्यक्त गरेका थिए ।

प्रकाशित मिति: शनिबार, असोज २३, २०७८ २१:२६

प्रतिक्रिया दिनुहोस्