बाँकेको शम्शेरगन्जमा बसको ठक्करले दुई जनाको मृत्यु

स्थानीय

गृहपृष्ठ
स्थानीय
बाँकेको शम्शेरगन्जमा बसको ठक्करले दुई जनाको मृत्यु

बाँकेको शम्शेरगन्जमा बसको ठक्करले दुई जनाको मृत्यु

बस समिति र पीडित पक्षबीच वार्ता बस्दै

मंगलबार, असोज २६, २०७८ बागेश्वरी पोस्ट

सांकेतिक तस्बिर

नेपालगन्ज । बाँकेमा बसको ठक्करबाट दुई जनाको मृत्यु भएको छ । काठमाडौंबाट बैतडी जाँदै गरेको ना ६ ख ७४८४ नम्बरको बसले बाँकेको राप्तीसोनारी ८ शम्शेरगन्जस्थित सशस्त्र प्रहरी कार्यालयदेखि पश्चिममा रहेको परुवाखोला पुलमा हिँडिरहेका दुई जना महिलालाई हिजो साँझ ठक्कर दिएको थियो ।

बसको ठक्करबाट एक जना महिला राप्तीसोनारी–८ बालापुरकी २६ वर्षीया चन्द्रा बुढाथोकी खड्काको घटनास्थलमै मृत्यु भएको जिल्ला ट्राफिक प्रहरी कार्यालय बाँकेले जानकारी दिएको छ ।

अर्की गम्भीर घाइते भएकी सोही ठाँउकी ३४ वर्षीया गीता थारुको उपचारका क्रममा गएराती नेपालगन्ज मेडिकल कलेज कोहलपुरमा मृत्यु भएको ट्राफिक प्रहरीले जनाएको छ । बसको ठक्करबाट मृत्यु भएको बिरोधमा शम्शेरगन्जका स्थानीयहरुले आन्दोलन गर्दै सडक अबरोध गरेका थिए । आज बस समिति र पीडित पक्षबीच बार्ता गर्ने गरी आन्दोलन रोकिएको जिल्ला प्रहरी बाँकेले जानकारी दिएको छ ।

प्रकाशित मिति: मंगलबार, असोज २६, २०७८ १०:००

प्रतिक्रिया दिनुहोस्