दशैँको टीका लगाउन गएका बेला प्रधानमन्त्री देउवाका भाइको घरमा चोरी

स्थानीय

गृहपृष्ठ
स्थानीय
दशैँको टीका लगाउन गएका बेला प्रधानमन्त्री देउवाका भाइको घरमा चोरी

दशैँको टीका लगाउन गएका बेला प्रधानमन्त्री देउवाका भाइको घरमा चोरी

शुक्रबार, असोज २९, २०७८ बागेश्वरी पोस्ट

नेपालगन्ज ।प्रधानमन्त्री शेरबहादुर देउवाका भाइको घरमा चोरी भएको छ। आज दिउँसो दशैँको टीका लगाउन आफन्तकोमा गएका बेला प्रधानमन्त्री देउवाका भाइ भरतबहादुर देउवाको घरमा चोरी भएको हो।

धनगढी उपमहानगरपालिका २ सन्तोशी टोलका स्थानीय भरतबहादुर देउवाको घरमा आज दिउँसो दशैँको टीका लगाउन आफन्तकोमा गएका बेला सुनका गरगहना र नगद चोरी भएको प्रहरीले जानकारी दिएको छ।

प्रधानमन्त्री देउवाका आफ्नै भाइ भरतबहादुरले सन्तोशी टोलमै रहेको आफन्तको घरमा टीका लगाउन गएको समयमा चोरी भएको प्रहरीले बताएको छ । घरबाट ४ हजार नगदसहित तीन तोला सुन र तीन तोला चाँदी चोरी भएको र घरमा रहेको अन्य सामान भने सुरक्षित रहेको बताइएको छ।

घरमा चोरी भएको खबर पाउने बित्तिकै प्रहरी पुगेर अनुसन्धान अगाडी बढाएको प्रहरीले जानकारी दिएको छ।

प्रकाशित मिति: शुक्रबार, असोज २९, २०७८ १६:३०

प्रतिक्रिया दिनुहोस्