बाँके प्रहरीलाई ठुलो सफलता: सिमाबाट ९०० थान अवैध मोबाइल सेट बरामद

स्थानीय

गृहपृष्ठ
स्थानीय
बाँके प्रहरीलाई ठुलो सफलता: सिमाबाट ९०० थान अवैध मोबाइल सेट बरामद

बाँके प्रहरीलाई ठुलो सफलता: सिमाबाट ९०० थान अवैध मोबाइल सेट बरामद

आइतबार, असोज ३१, २०७८ बागेश्वरी पोस्ट

नेपालगन्ज । बाँके प्रहरीले ठुलो सफलता हात पारेको छ । तस्करीविरुद्धको अभियान अन्तर्गत जिल्ला प्रहरी बाँकेले तस्करी गरेर ल्याइदै गरिएको धेरै ठुलो परिमाणमा मोबाइल सेट बरामद गरेको छ ।

जिल्ला प्रहरी कार्यालय बाँकेबाट प्रहरी सहायक निरीक्षक बिबेक अधिकारी र इलाका प्रहरी कार्यालय जमुनाहका प्रहरी नायब निरीक्षक मीन बहादुर बिष्टको तस्करी निस्तेज अभियान अन्तर्गत गरिएको संयुक्त अपरेशनको टोलीले ९ सय थान मोबाइल सेट बरामद गरेको छ ।

प्रहरी सहायक निरीक्षक अधिकारी र नायब निरीक्षक बिष्टको टोलीले भारतबाट भन्सार छली गरेर मोबाइल नेपालगन्ज भित्रिएको भन्ने बिशेष सूचनाका आधारमा नेपालगन्ज १५ जमुनाह गाउँबाट ६ लाख ३० हजार रुपैयाँ बराबरका ९ सय थान आइटेलको की प्याड मोबाइल सेट बरामद गरेको जिल्ला प्रहरी बाँके प्रमुख एसपी श्यामकृष्ण अधिकारीले जानकारी दिएका छन् ।

तस्करी निस्तेज अभियान अन्तर्गत असोज २७ गते बरामद गरिएका ९ सय थान मोबाइल सेटलाई बिजया दशमीको सार्वजनिक बिदाका कारण आज मात्रै आबश्यक कारबाहीका लागि नेपालगन्ज भन्सार कार्यालय बुझाइएको एसपी अधिकारीले जानकारी दिएका छन् । बाँके प्रहरीले तस्करीविरुद्ध अपरेशन नै चलाएपछि अहिले तस्करहरुको निद्र!हराम हुँदै आएको छ ।

बाँके प्रहरीले चाहे सान वा ठुला तस्करीका अवैध सामाग्री किन नहोस् धमाधम बरामद गर्दै आएको छ ।

प्रकाशित मिति: आइतबार, असोज ३१, २०७८ १८:५२