नरैनापुरमा 'मोहम्मद डे' धुमधाम( फोटो फिचरसहित )

स्थानीय

गृहपृष्ठ
स्थानीय
नरैनापुरमा 'मोहम्मद डे' धुमधाम( फोटो फिचरसहित )

नरैनापुरमा 'मोहम्मद डे' धुमधाम( फोटो फिचरसहित )

मंगलबार, कात्तिक २, २०७८ बागेश्वरी पोस्ट

नेपालगन्ज । बाँकेको नरैनापुर गाउँपालिकामा पनि 'मोहम्मद डे' धुमधामका साथ मनाइएको छ । 'मोहम्मद डे' का अवसरमा आज नरैनापुरमा ठूलो र्‍याली निस्किएको छ ।

नरैनापुरको पूर्वी भेगका मुस्लिम समुदायले गाउँपालिकाका अध्यक्ष इस्तियाक अहमद शाहको नेतृत्वमा वडा नम्बर १ बाट र्‍याली सुरु गरेका थिए । गाउँपालिका कार्यालय अगाडिसम्म आइपुग्दा र्‍यालीले ठूलो आकार लिएको थियो । त्यस्तै पश्चिम भेगबाट वडा नम्बर ६ हुँदै अर्को ठूलो र्‍याली गाउँपालिका कार्यालय अगाडि आइपुगेको थियो ।

ठूलो संख्यामा मोटरसाइकल र पैदलै हिँडेर इस्लाम धर्माबलम्बीहरुले र्‍याली निकालेका थिए । जिल्ला प्रहरी बाँकेका प्रमुख प्रहरी उपरीक्षक श्यामकृष्ण अधिकारी, सशस्त्र प्रहरी बल नम्बर ३० गण बागेश्वरी बाँकेका प्रमुख सशस्त्र प्रहरी उपरीक्षक अशोक बम, अनुसन्धान बिभाग बाँके प्रमुख उप-अनुसन्धान निर्देशक नरेन्द्रराज गिरी समेत र्‍यालीमा सहभागी भएका थिए ।

र्‍याली पश्चात् गाउँपालिका अध्यक्ष शाह, बाँके प्रहरी प्रमुख अधिकारी, सशस्त्र प्रहरी उपरीक्षक बम र बाँके अनुसन्धान प्रमुख गिरीले मोहम्मद "डे" को सबैलाई शुभकामना प्रदान गरेका थिए । नरैनापुरमा फेरि एकपटक उच्च सामाजिक सद्भाव देखिएको प्रमुख प्रशासकीय अधिकृत दलबहादुर बस्नेतले बताए ।

बाँकेका सुरक्षा अंगका प्रमुखहरु आफैं नरैनापुर पुगेर सुरक्षा व्यवस्था मजबुत बनाउने कार्यमा खटिएका थिए । 'मोहम्मद डे' को अवसरमा नरैनापुर गाउँपालिकाले सार्वजनिक बिदा समेत दिएको छ ।