जमुनाह प्रहरीद्वारा ४ दिनमा साढे १८ ग्राम ब्राउनसुगरसहित ३ जना पक्राउ

सुरक्षा-अपराध

गृहपृष्ठ
सुरक्षा-अपराध
जमुनाह प्रहरीद्वारा ४ दिनमा साढे १८ ग्राम ब्राउनसुगरसहित ३ जना पक्राउ

जमुनाह प्रहरीद्वारा ४ दिनमा साढे १८ ग्राम ब्राउनसुगरसहित ३ जना पक्राउ

शुक्रबार, कात्तिक १२, २०७८ बागेश्वरी पोस्ट

नेपालगन्ज । नेपालगन्जस्थित इलाका प्रहरी कार्यालय जमुनाहले ४ दिनको अन्तरमा ३ जनालाई ब्राउनसुगरसहित पक्राउ गरेको छ।

इलाका प्रहरी कार्यालय जमुनाहका प्रमुख प्रहरी नायब निरीक्षक मीन बहादुर बिष्टको कमान्डमा गएको लागू औषध नियन्त्रण ब्यूरोसहितको टोलीले आज साँझ ५ बजे २ जनालाई पक्राउ गरेको जिल्ला प्रहरी बाँकेले जानकारी दिएको छ।

प्रहरीको टोलीले जमुनाह नाकामा चेकजाँच गर्ने क्रममा भारतबाट नेपालगन्ज आउँदै गरेका तुलसीपुर १ का २२ बर्षीय प्रकाश वि.क र सोही ठाँउका २६ बर्षीय समीर वि. क लाई कालो प्लास्टिकमा बेरेर जुत्ताभित्र लुकाई राखेको अवस्थामा ३ ग्राम ब्राउनसुगरसहित पक्राउ गरेको हो। पक्राउ परेका दुबैजनासँग थप अनुसन्धान भइरहेको जिल्ला प्रहरी बाँकेले जानकारी दिएको छ।

त्यस्तै केहीदिन अघिमात्र जमुनाह प्रहरीका प्रमुख प्रहरी नायब निरीक्षक बिष्टको कमान्डको टोलीले काभ्रेप्लानचोक महादेवस्थान गाउँपालिका ३ का ३४ बर्षीय मान बहादुर रोकालाई १५ ग्राम ६०० मिलिग्राम ब्राउनसुगरसहित कार्तिक ८ गते पक्राउ गरेको थियो।

प्रकाशित मिति: शुक्रबार, कात्तिक १२, २०७८ २२:२५

प्रतिक्रिया दिनुहोस्