बाँके प्रहरीद्वारा फरक मुद्दाका दुई जना फरार प्रतिवादी पक्राउ

सुरक्षा-अपराध

गृहपृष्ठ
सुरक्षा-अपराध
बाँके प्रहरीद्वारा फरक मुद्दाका दुई जना फरार प्रतिवादी पक्राउ

बाँके प्रहरीद्वारा फरक मुद्दाका दुई जना फरार प्रतिवादी पक्राउ

सोमबार, कात्तिक १५, २०७८ बागेश्वरी पोस्ट

नेपालगन्ज। जिल्ला प्रहरी बाँकेले ज्यान मार्ने उद्योग मुद्दा र बाल यौन दुरुपयोग मुद्दाका फरार दुई जना छुट्टाछुट्टै प्रतिवादीलाई पक्राउ गरेको छ।

जिल्ला प्रहरी बाँकेको टोलीले ज्यान मार्ने उद्योग मुद्दामा दोषी ठहर भएका खजुरा गाउँपालिका ३ का २५ बर्षीय शतीष बिकलाई लुकिछिपी बसेको अवस्थाम आज पक्राउ गरेको जिल्ला प्रहरी बाँकेले जानकारी दिएको छ। पक्राउ परेका बिकलाई उच्च अदालत तुलसीपुर नेपालगन्ज इजलासले २०७८/०५/१३ गते १ वर्ष ३ महिना २४ दिन कैद फसैला सुनाएको थियो। फैसला पश्चात् बिक फरार रहेका थिए।

त्यस्तै जिल्ला प्रहरी बाँकेले बाल यौन दुरुपयोग मुद्दामा फरार रहेका अर्का एक प्रतिवादी पक्राउ गरेको जनाएको छ। बाँके प्रहरीले खजुरा गाउँपालिका ३ कै २३बर्षीय सुमन बिश्वकर्मालाई लुकिछिपी बसेको अवस्थामा बाँकेबाट पक्राउ गरेको छ।

फरार प्रतिवादी बिश्वकर्मालाई बाल यौन दुरुपयोग मुद्दामा दोषी ठहर गर्दै जिल्ला अदालत बाँकेले २०७६/०८ महिना ३ गते ५ महिना ६ दिन जेल सजाय सुनाएको थियो। पक्राउ परेका दुबै जनालाई आजै जिल्ला अदालत बाँके बुझाईएको जिल्ला प्रहरी बाँकेले जानकारी दिएको छ।

प्रकाशित मिति: सोमबार, कात्तिक १५, २०७८ १७:३५

प्रतिक्रिया दिनुहोस्