जमुनाह नाकाबाट बरामद गरिएका ठुलो परिमाणको पटाका नष्ट गरियो

सुरक्षा-अपराध

गृहपृष्ठ
सुरक्षा-अपराध
जमुनाह नाकाबाट बरामद गरिएका ठुलो परिमाणको पटाका नष्ट गरियो

जमुनाह नाकाबाट बरामद गरिएका ठुलो परिमाणको पटाका नष्ट गरियो

मंगलबार, कात्तिक १६, २०७८ बागेश्वरी पोस्ट

नेपालगन्ज । जिल्ला प्रहरी बाँकेले ठुलो परिमाणमा बरामद गरेको पटाका नष्ट गरेको छ ।

जिल्ला प्रहरी बाँके परिसरमा पत्रकारहरुको रोबहरमा इलाका प्रहरी कार्यालय जमुनाह र विभिन्न स्थानहरुबाट बरामद गरिएका २ लाख रुपैयाँ बराबरका पटाका नष्ट गरिएको हो । इलाका प्रहरी कार्यालय जमुनाहका प्रमुख प्रहरी नायब निरीक्षक मीन बहादुर बिष्टको कमान्डको टोलीले भारतको रुपईडिहाबाट नेपालगन्ज ल्याउँदै गरेको १ लाख बराबरको बरामद गरिएका पटाकालाई जिल्ला प्रहरी बाँके परिसरमा नष्ट गरिएको छ ।

त्यस्तै जिल्ला प्रहरी कार्यालयबाट प्रहरी सहायक निरीक्षक बिबेक अधिकारीको कमान्डको टोलीले विभिन्न स्थानबाट बरामद गरेको १ लाख रुपैयाँ बराबरका बरामद गरिएका पटाकालाई आज दिउँसो नष्ट गरेको जिल्ला प्रहरी बाँकेले जनाएको छ । जिल्ला प्रहरी बाँकेले शहरभित्र ध्वनी प्रदुषण र आगलागी हुनसक्ने खतराबाट जोगाउन भारतबाट पटाका ल्याउन रोक लगाएको छ ।

सीमा नाकामा पटाका ल्याउनमा रोक लगाएपछि अन्य नाका हुँदै ल्याइने पटाकालाई समेत प्रहरीले बरामद गर्दै आएको छ । पटाका नष्ट गर्दै जिल्ला प्रहरी बाँकेका डिएसपी मधुसुदन न्यौपानेले पटाका ल्याउन प्रतिबन्ध लगाइएको र लुकिछिपी पटला पड्काए कारबाही गरिने बताएका छन् ।

प्रकाशित मिति: मंगलबार, कात्तिक १६, २०७८ १६:५९

प्रतिक्रिया दिनुहोस्