जमुनाह नाकाबाट साढे ५ लाख बराबरको सुर्तीजन्य पदार्थ बरामद

स्थानीय

गृहपृष्ठ
स्थानीय
जमुनाह नाकाबाट साढे ५ लाख बराबरको सुर्तीजन्य पदार्थ बरामद

जमुनाह नाकाबाट साढे ५ लाख बराबरको सुर्तीजन्य पदार्थ बरामद

बुधबार, कात्तिक १७, २०७८ बागेश्वरी पोस्ट

नेपालगन्ज । नेपालगन्जको सिमा नाकाबाट भारतबाट तस्करी गरेर ल्याउँदै गरिएको ठुलो परिमाणमा सुर्तीजन्य पदार्थ बरामद गरिएको छ ।

इलाका प्रहरी कार्यालय जमुनाहबाट प्रहरी नायब निरीक्षक मीन बहादुर बिष्टको कमान्डमा गएको टोलीले गएराती ८ बजे भन्सार छली गरेर ल्याइएको ५ लाख २६ हजार रुपैयाँ बराबरको सुर्ती बनाउन प्रयोग गरिने कच्चापदार्थ बरामद गरेको जिल्ला प्रहरी बाँकेले जानकारी दिएको छ ।

बिशेष सूचनाका आधारमा प्रहरी नायब निरीक्षक बिष्ट सहितको टोलीले रुपइडिहाबाट तस्करी गरेर नेपालगन्ज बजार लगिँदै गरेको उक्त सुर्ती बनाउन प्रयोग हुने कच्चा पदार्थलाई जमुनाह गाउँबाट बरामद गरेको हो ।

जमुनाह प्रहरीले बर्तमान समयमा तस्करी विरुद्ध उत्रिनुका साथै जमुनाह नाकामा सुरक्षा ब्यबस्थापन मजबुत बनाउँदै आएको छ ।

प्रकाशित मिति: बुधबार, कात्तिक १७, २०७८ ०९:४०

प्रतिक्रिया दिनुहोस्