नेपालगन्जको एक जुवाखालबाट ४८ जना पक्राउ

सुरक्षा-अपराध

गृहपृष्ठ
सुरक्षा-अपराध
नेपालगन्जको एक जुवाखालबाट ४८ जना पक्राउ

नेपालगन्जको एक जुवाखालबाट ४८ जना पक्राउ

साढे ४ लाख रुपैयाँ बढी नगद बरामद

शनिबार, कात्तिक २०, २०७८ बागेश्वरी पोस्ट

नेपालगन्ज । जिल्ला प्रहरी बाँकेले नेपालगन्जको एक जुवाखालबाट ४ लाख ६६ हजार ७७ रुपैयाँ नगदसहित ४८ जनालाई पक्राउ गरेको छ ।

बाँके प्रहरीले एकै पटक एउटै जुवाखालबाट यति ठुलो संख्यामा पक्राउ गरेको पहिलोपटक हो । जिल्ला प्रहरी कार्यालय र वडा प्रहरी कार्यालय नेपालगन्जबाट गएको टोलीले आज बिहान ४ बजे नेपालगन्ज १७ बाबुगाउँबाट जुवा भइरहेको जुवाखालबाट ४ लाख ६६ हजार ७७ रुपैयाँ नगदसहित ४८ जनालाई पक्राउ गरिएको बाँके प्रहरी प्रमुख प्रहरी उपरीक्षक श्याम कृष्ण अधिकारीले जानकारी दिएका छन् ।

प्रहरी उपरीक्षक अधिकारीका अनुसार जुवाखालबाट पक्राउ परेका केही ब्यक्तिहरु जुवाडे नभएको पाइएको छ । उक्त जुवाखालमा जुवाडे धेरै भएपछि अन्य दुई खाल बनाएर जुवा खेलाइदै गरिएको अवस्थामा जुवाडेहरुलाई पक्राउ गरिएको प्रहरी उपरीक्षक अधिकारीले भने। त्यस खालबाट केही भारतीय नागरिकहरुसमेत फेला परेका छन् ।

जुवाडे नभई दर्शक बनेकालाई छानबिन गरी छोडिने प्रहरी उपरीक्षक अधिकारीले जानकारी दिएका छन् । अन्य जुवाडेलाई जुवा ऐन अनुसार कारबाही प्रक्रिया चलाइने प्रहरी उपरीक्षक अधिकारीले बताए । जुवाडेविरुद्धको अभियान अन्तर्गत बाँके प्रहरीले कोहलपुर, खजुराका विभिन्न स्थानबाट पक्राउ गर्दै आएको छ ।

प्रकाशित मिति: शनिबार, कात्तिक २०, २०७८ ०९:४३

प्रतिक्रिया दिनुहोस्