निर्मला कुर्मी बेपत्ता प्रक्ररण:७ जना पक्राउ,१ जना हाजिरी जमानीमा

सुरक्षा-अपराध

गृहपृष्ठ
सुरक्षा-अपराध
निर्मला कुर्मी बेपत्ता प्रक्ररण:७ जना पक्राउ,१ जना हाजिरी जमानीमा

निर्मला कुर्मी बेपत्ता प्रक्ररण:७ जना पक्राउ,१ जना हाजिरी जमानीमा

बुधबार, कात्तिक २४, २०७८ बागेश्वरी पोस्ट

नेपालगन्ज । नेपालगन्ज परसपुरकी निर्मला कुर्मी घटनामा जिल्ला प्रहरी बाँकेले ७ जनालाई पक्राउ गरेको छ। निर्मला कुर्मी बेपत्ता एबम सम्पत्ति अतिक्रमण घटना छानबीन समितिले दिएको प्रतिबेदन अनुसार घटनामा संलग्न भनिएका ७ जना व्यक्तिहरुलाई प्रहरीले पक्राउ गरेको छ।

पक्राउ पर्नेमा जग्गा काण्डमा पटकपटक विवादित हुँदै आएका रमेश थापा, पार्वती विष्ट, कृष्णमुरारी सिंह, उर्मिला कनोजिया, अमरलाल कुर्मी, धीरेन्द्र सिंह र कुँवर बबन सिंह रहेको जिल्ला प्रहरी बाँकेले जानकारी दिएको छ।

पक्राउ परेकाहरुलाई थप अनुसन्धान गर्न जिल्ला अदालत बाँकेबाट ७ दिनको म्याद थप गरिएको बाँके प्रहरीले जनाएको छ। निर्मलाको परसपुरस्थित ३ बिगहा १३ कठ्ठा जग्गा अनेक नाममा जालझेल गरी हडपिएको पाइएको छ।

पक्राउ परेका अर्का आरोपी बबन सिंह ८० वर्ष पुगेकाले उनलाई हाजिरी जमानीमा हिरासत मुक्त गरिएको जिल्ला प्रहरी बाँकेले जानकारी दिएको छ।

घटनाका अर्का आरोपी मध्ये पूर्व सांसद एवम नेपाली काँग्रेस बाँकेका नेता बादशाह कुर्मी यस अघिनै सरकारी वकिल कार्यालयमा उपस्थित भई हाजिरी जमानीमा रहेका छन् ।

प्रकाशित मिति: बुधबार, कात्तिक २४, २०७८ १६:५२