नेपालगन्जको जमुनाह नाकाबाट लागूऔषधसहित यातायातका कर्मचारी पक्राउ

सुरक्षा-अपराध

गृहपृष्ठ
सुरक्षा-अपराध
नेपालगन्जको जमुनाह नाकाबाट लागूऔषधसहित यातायातका कर्मचारी पक्राउ

नेपालगन्जको जमुनाह नाकाबाट लागूऔषधसहित यातायातका कर्मचारी पक्राउ

बिहीबार, कात्तिक २५, २०७८ बागेश्वरी पोस्ट

नेपालगन्ज । नेपालगन्जको सीमा नाका जमुनाहबाट लागूऔषधसहित प्रहरीले एक जनालाई पक्राउ गरेको छ ।

इलाका प्रहरी कार्यालय जमुनाहका प्रहरी प्रमुख प्रहरी नायब निरीक्षक मीन बहादुर बिष्टको कमान्डको टोली र लागू औषध नियन्त्रण ब्युरोको टोलीले रुपईडिहाबाट नेपालगन्जतर्फ आइरहेका बिरेन्द्रनगर ३ तातोपानी सुर्खेतका ३४ बर्षीय बबिन शाहीलाई लागूऔषधसहित पक्राउ गरेको जिल्ला प्रहरी कार्यालय बाँकेले जानकारी दिएको छ ।

शंकासपद तरिकाले हिंडिरहेको अवस्थामा चेकजाँचको क्रममा प्रहरीले आज साँझ पौने ५ बजे शाहीको साथबाट रियल जुसको बोतलमा २ हजार मिलीलिटर कोरेक्स र १५ टयाब्लेट नाइत्रोभेट लागूऔषध राखेर ल्याउँदै गरेको अवस्थामा फेला पारेको हो ।

पक्राउ परेका शाहीको साथबाट मध्य पश्चिम यातायात सेवा सुर्खेत प्रालिको बुकिङ कर्मचारी लेखिएको परिचय पत्र समेत बरामद भएको प्रहरीले जनाएको छ ।

शाहीलाई हिरासतमा राखेर अनुसन्धान थालिएको बाँके प्रहरीले जानकारी दिएको छ ।

प्रकाशित मिति: बिहीबार, कात्तिक २५, २०७८ १९:३३

प्रतिक्रिया दिनुहोस्