बाँकेमा समाजबादी प्रेस संगठन गठन, अध्यक्षमा शर्मा

स्थानीय

गृहपृष्ठ
स्थानीय
बाँकेमा समाजबादी प्रेस संगठन गठन, अध्यक्षमा शर्मा

बाँकेमा समाजबादी प्रेस संगठन गठन, अध्यक्षमा शर्मा

शनिबार, कात्तिक २७, २०७८ बागेश्वरी पोस्ट

नेपालगन्ज । नेकपा (एकीकृत समाजबादी) निकट पत्रकारहरुको संगठन समाजबादी प्रेस संगठन बाँकेको अध्यक्षमा लोकनाथ शर्मा चयन भएका छन् ।

नेपालगन्जमा नेकपा एकीकृत समाजबादी बाँकेका प्रचार प्रसार बिभाग प्रमुख किशोर थापाको अध्यक्षता आज सम्पन्न भेलाले शर्माको नेतृत्वमा ९ सदस्यीय समाजबादी प्रेस संगठन बाँके गठन गरेको हो ।

संगठनको उपाध्यक्षमा सुरज विक, सचिवमा रामु ओली, सहसचिव ज्ञानुसंगम खड्का र हरि देवकोटा तथा कोषाध्यक्षमा रमेश क्षेत्री चयन भएका छन् । त्यस्तै सदस्यहरूमा तुलबिर बिश्वकर्मा, सागर देवकोटा र प्रकाश धामी चयन भएका छन् ।

भेलामा नेकपा (एकीकृत समाजबादी) खेलकुद महासंघका केन्द्रिय उपाध्यक्ष सम्सुद्दिन सिद्दिकी, नेकपा एकीकृत समाजबादी प्रदेश कमिटी सदस्य इन्द्र बहादुर थापा तथा एकीकृत समाजबादी जानकी गाउँपालिका अध्यक्ष रामवरण बर्मा लगायतको सहभागिता रहेको थियो ।

प्रकाशित मिति: शनिबार, कात्तिक २७, २०७८ १३:२६

प्रतिक्रिया दिनुहोस्