बाँकेको बानियाभारको चक्काजाम खुल्यो, आवागमन सुचारु

सुरक्षा-अपराध

गृहपृष्ठ
सुरक्षा-अपराध
बाँकेको बानियाभारको चक्काजाम खुल्यो, आवागमन सुचारु

बाँकेको बानियाभारको चक्काजाम खुल्यो, आवागमन सुचारु

आइतबार, कात्तिक २८, २०७८ बागेश्वरी पोस्ट

नेपालगन्ज । बाँकेको बानियाभारमा गरिएको चक्काजाम खुलेको छ । आज बिहान ८ बजेदेखि बैजनाथ गाउँपालिका ४ बानियाभारको राजमार्गमा गरिएको चक्काजाम केहिबेर अघि खोलिएको जिल्ला प्रहरी प्रहरी बाँकेले जानकारी दिएको छ ।

गत शुक्रबार सोही ठाँउका ६३ बर्षीय दिप बहादुर वलीको मोटरसाइकलको ठक्करबाट उपचारका क्रममा मृत्यु भएपछि स्थानीयहरुले राजमार्गमा चक्काजाम गरेका हुन् ।

बानियाभारमा शुक्रवार राती पौने ९ बजे सुर्खेतदेखि कोहलपुर तर्फ आउँदै गरेको भे ८ प ५११० नम्बरको मोटरसाइकलले वलीलाई ठक्कर दिएको थियो । ठक्करबाट गम्भीर घाइते भएका वलीको उपचारका क्रममा शनिबार दिउँसो ४ बजे नेपालगन्ज मेडिकल कलेज कोहलपुरमा मृत्यु भएको हो ।

वलीलाई ठक्कर दिने मोटरसाइकल फेला परेपनि चालक फरार रहेकाले तत्काल चालकलाई उपस्थित गराउन माग गर्दै त्यहाँ स्थानीयहरुले बिरोध गर्दै राजमार्गमा चक्काजाम गरेका हुन् ।

ईलाका प्रहरी कार्यालय कोहलपुरका प्रमुख डीएसपी रबिन्द्र खनाल र जिल्ला ट्राफिक बाँकेका प्रमुख प्रहरी निरीक्षक ऐन बहादुर मल्ल, त्यहाँका जनप्रतिनिधि र स्थानीयहरुबिच छलफल गरि मोटरसाइकल चालकको खोजी गर्ने र क्षतिपुर्तिका बिषयमा सहमती गर्दै त्यहाँको चक्काजाम खुलाइएको हो । अहिले आवागमन पुर्णरुपमा सुचारु भइसकेको छ ।

प्रकाशित मिति: आइतबार, कात्तिक २८, २०७८ १४:४६

प्रतिक्रिया दिनुहोस्