नरैनापुर गाउँपालिकाको नमूना कार्य, ६ सय छात्रालाई निःशुल्क साइकल वितरण

स्थानीय

गृहपृष्ठ
स्थानीय
नरैनापुर गाउँपालिकाको नमूना कार्य, ६ सय छात्रालाई निःशुल्क साइकल वितरण

नरैनापुर गाउँपालिकाको नमूना कार्य, ६ सय छात्रालाई निःशुल्क साइकल वितरण

बिहीबार, मंसिर १६, २०७८ बागेश्वरी पोस्ट

नेपालगन्ज । बाँकेको नरैनापुर गाउँपालिकाले छात्राहरुलाई निःशुल्क साइकल वितरण गरेको छ । गाउँपालिका भित्रका सामुदायिक विद्यालयका कक्षा ६ देखि कक्षा १२ सम्मका ६०० जना छात्राहरुलाई गाउँपालिकाले आज साइकल वितरण गरेको हो ।

शैक्षिक प्रवर्द्धन तथा विद्यालय भर्ना अभियानलाई बढाउने उद्देश्यका साथ गाउँपालिकाभित्र पर्ने सबै समुदायिक विद्यालयका ६ देखि कक्षा १२ सम्मका ६०० जना छात्राहरुलाई साइकल वितरण गरिएको गाउँपालिकाका प्रमुख प्रशासकीय अधिकृत दलबहादुर बस्नेतले जानकारी दिएका छन् ।

निःशुल्क साइकल वितरण कार्यक्रममा लुम्बिनी प्रदेशकी सांसद कृष्णा केसी नमुना ,गाउँपालिकाका अध्यक्ष इस्तियाक अहमद शाह, प्रमुख प्रशासकीय अधिकृत बस्नेत, शिक्षा शाखा प्रमुख कृष्णकुमार थारु, लेखापाल प्रकाश अधिकारी, जनप्रतिनिधिहरु, स्थानीय, शिक्षक तथा बिद्यार्थीहरुको उपस्थिति रहेको थियो । बाँके जिल्लामै पहिलोपटक नरैनापुर गाउँपालिकाले कक्षा ६ देखि १२ सम्मका ६०० छात्राहरुलाई साइकल वितरण गरेको हो ।

प्रकाशित मिति: बिहीबार, मंसिर १६, २०७८ १९:२३