गाडीले मोटरसाइकललाई ठक्कर दिदा दाङमा एक जनाको मृत्यु

समाचार

गृहपृष्ठ
समाचार
गाडीले मोटरसाइकललाई ठक्कर दिदा दाङमा एक जनाको मृत्यु

गाडीले मोटरसाइकललाई ठक्कर दिदा दाङमा एक जनाको मृत्यु

बुधबार, पुस २, २०७६ बागेश्वरी पोस्ट

सांकेतिक तस्बिर

लमही (दाङ)। गाडीले मोटरसाइकललाई ठक्कर दिदा दाङमा एक जनाको मृत्यु भएको छ। बुधबार बिहान नम्बर नखुलेको गाडीले ठक्कर दिंदा दाङमा मटरसाइकल चालकको मृत्यु भएको छ भने एक जना घाइते भएका छन् ।

दुर्घटनामा मोटरसाइकल चालक तुलसीपुर उपमहानगरपालिका ६ निवासी २२ वर्षीय शिवराज डाँगीेको मृत्यु भएको हो । डाँगीको बुटवलमा उपचारका क्रममा मृत्यु भएको इलाका प्रहरी कार्यालय भालुवाङले जनाएको छ । मोटरसाइकल पछाडि बसेका सोही ठाउँका १९ वर्षीय सुमन अधिकारी सामान्य घाइते भएका छन् ।

पूर्व पश्चिम राजमार्गअन्तर्गत लमही–भालुवाङ सडकखण्डको राप्ती गाउँपालिका–५ पहरूवा चोकमा नम्बर नखुलेको गाडीले रा ५ प ७१५३ नम्बरको मोटरसाइकललाई बुधवार ठक्कर दिएको थियो ।

डाँगी तुलसीपुरबाट काठमाण्डौ जाँदै गर्दा विपरित दिशाबाट आइरहेको गाडीले ठक्कर दिएको थियो । ठक्कर दिने गाडीको खोजी कार्य जारी रहेको प्रहरीले जनाएको छ ।

प्रकाशित मिति: बुधबार, पुस २, २०७६ १६:३०

प्रतिक्रिया दिनुहोस्