डुडुवामा योजनाको धमाधम अनुगमन

स्थानीय

गृहपृष्ठ
स्थानीय
डुडुवामा योजनाको धमाधम अनुगमन

डुडुवामा योजनाको धमाधम अनुगमन

बुधबार, मंसिर २२, २०७८ बागेश्वरी पोस्ट

डुडुवा (बाँके) । डुडुवा गाउँपालिकाले आफ्ना विभिन्न विकास निर्माणका योजनाहरुको अनुगमन गरिरहेको छ । गाउँपालिकाद्वारा निर्मित विभिन्न ठुला तथा साना योजना अन्तर्गतका भौतिक पुर्वाधारहरुको अनुगमन गर्ने कार्य गरिरहेको गाउँपालिकाका प्रमुख प्रशासकीय अधिकृत परशुराम उपाध्यायले बताए । उनका अनुसार सबैभन्दा ठुलो योजना गाउँपालिकाको प्रशासनिक भवन, विद्यालय भवन, तथा विभिन्न धार्मिकस्थलमा निर्मित भौतिक पूर्वाधारको अनुगमन गरिएको हो ।

गाउँपालिकाको प्रशासनिक भवन निर्माणको काम करिब ८० प्रतिशत पूरा भएको छ । तीब्र गतिमा निर्माण भइरहेको भवन अब केही महिनाभित्रै संचालनमा ल्याइने गाउँपालिका अध्यक्ष नरेन्द्रकुमार चौधरीले बताए । अध्यक्ष चौधरीले गाउँपालिकाको भवनको अभावले गुणस्तरीय सेवा प्रवाह र साधन स्रोतको परिचालन तथा व्यवस्थापन गर्न समस्या भएकाले नयाँ भवनबाट छिट्टै सेवा प्रवाह हुने विश्वास दिलाए ।

गाउँपालिका अध्यक्ष चौधरी नेतृत्वको समुहले निर्माण सम्पन्न भएको वार्ड नं. ४ स्थित मस्जिद र नवनिर्मित वार्ड नंं ६ स्थित सरस्वती मावि भंघोटनामा दुई कोठे भवनको अनुगमन गरिएको हो । वार्ड नं. ४ मोल्हुपुर्वामा मस्जिद निमार्णका लागि ८ लाख र हिरिमिनियाको विद्यालयको दुई कोठे भवन २६ लाखको लागतमा निर्माण सम्पन्न भएको प्रमुख प्रशासकीय अधिकृत उपाध्यायले जानकारी दिए ।

पालिकाद्वारा हाल धमाधम विभिन्न भौतिक पूर्वाधारहरु निर्माण भइरहेका छन् । अनुगमन टोलीमा गाउँपालिका अध्यक्ष चौधरी, उपाध्यक्ष शाहिदा बानो, कार्यपालिका सदस्यसहितको जनप्रतिनिधि, प्रमुख प्रशासकीय अधिकृत उपाध्याय, प्राविधिक प्रमुख लगायतको सहभागिता रहेको थियो ।

प्रकाशित मिति: बुधबार, मंसिर २२, २०७८ १४:५५

प्रतिक्रिया दिनुहोस्