जिप दुर्घटनामा शिक्षकसहित तीन बिद्यार्थीको मृत्यु

समाचार

गृहपृष्ठ
समाचार
जिप दुर्घटनामा शिक्षकसहित तीन बिद्यार्थीको मृत्यु

जिप दुर्घटनामा शिक्षकसहित तीन बिद्यार्थीको मृत्यु

दुर्घटनामा छ जना घाइते

बिहीबार, मंसिर २३, २०७८ बागेश्वरी पोस्ट

नेपालगन्ज । जिप दुर्घटनामा तीन जनाको मृत्यु भएको छ। लमजुङको मर्स्याङ्दी गाउँपालिका ८ भुस्मे नजिकै कालिमाटीमा जिप दुर्घटना हुँदा तीन जनाको मृत्यु भएको छ । ६ जना घाइते भएका छन् ।

मर्स्याङ्दी गाउँपालिका–९ सिम्पानीबाट वडा नम्बर ८ भुस्मे माथि पिसहिल स्टेशनतर्फ जाँदै गरेको ग १ ज ६३१७ नम्बरको जिप आज बिहान साढे १० बजेतिर दुर्घटना भएको हो ।

गणेश माध्यमिक विद्यालय सिम्पानीका शिक्षक र विद्यार्थी बोकेर गएको जिप सडकबाट डेढसय मिटर तल खसेको प्रहरीले जनाएको छ । मृत्यु हुनेमा शिक्षक र विद्यार्थी छन् ।

घाइते ६ जनालाई स्थानीय, प्रहरीले उद्दार गरी उपचारका लागि जिल्ला अस्पताल लमजुङ ल्याएका छन् ।

प्रकाशित मिति: बिहीबार, मंसिर २३, २०७८ १४:१२