चोरी भएको सुनसहित एक पक्राउ, हराएको ई-रिसा सवारीधनीलाई हस्तान्तरण

सुरक्षा-अपराध

गृहपृष्ठ
सुरक्षा-अपराध
चोरी भएको सुनसहित एक पक्राउ, हराएको ई-रिसा सवारीधनीलाई हस्तान्तरण

चोरी भएको सुनसहित एक पक्राउ, हराएको ई-रिसा सवारीधनीलाई हस्तान्तरण

शुक्रबार, मंसिर २४, २०७८ बागेश्वरी पोस्ट

नेपालगन्ज । जिल्ला प्रहरी बाँकेले चोरी भएको विभिन्न सुनका गरगहनासहित एक जनालाई पक्राउ गरेको छ ।

मंसिर १३ गते नेपालगन्ज १० स्थित तुलसा कुमारी बोगटीको घरबाट विभिन्न सुनका गरगहना चोरी भएको निबेदन परे पश्चात् बाँके प्रहरीले गरेको खोज अनुसन्धानमा चोरी गर्ने व्यक्तिलाई पक्राउ गर्न सफल भएको बाँके प्रहरी प्रवक्ता प्रहरी नायब उपरीक्षक मधु सुदन न्यौपानेले जानकारी दिएका छन् ।

प्रहरी प्रवक्ता न्यौपानेका अनुसार पक्राउ पर्नेमा वडिमालिका गाउँपालिका ६ बाजुराका नरेश कार्की रहेका छन् । उनीबाट सुनका विभिन्न गरगहना र नगद रुपैयाँसहित नेपालगन्जबाट गत बुधबार साँज ८ बजे पक्राउ गरी आवश्यक कारबाहीका लागि म्याद थप गरिएको प्रवक्ता न्यौपानेले जानकारी दिएका छन् ।

यस्तै इलाका प्रहरी कार्यालय जमुनाहले केही दिनअघि हराएको ई-रिक्सा फेला पारी सम्बन्धित सवारीधनीलाई बुझाएको छ । मंसिर १७ गते नेपालगन्ज १५ स्थित जमुनाह चेक पोष्ट नजिकबाट हराएको भे.१ ह.५३१२ नम्बरको ई-रिक्सालाई खोजतलासका क्रममा नेपालगन्ज २० भुजई गाउँमा फेला पारी मंसिर २० गते सम्बन्धित सवारीधनीलाई बुझाइएको प्रवक्ता न्यौपानेले जानकारी दिएका छन् ।