बाँकेको जानकीबाट ८ लाख रुपैयाँका 'ब्रा' सहित भ्यान बरामद

स्थानीय

गृहपृष्ठ
स्थानीय
बाँकेको जानकीबाट ८ लाख रुपैयाँका 'ब्रा' सहित भ्यान बरामद

बाँकेको जानकीबाट ८ लाख रुपैयाँका 'ब्रा' सहित भ्यान बरामद

सोमबार, मंसिर २७, २०७८ बागेश्वरी पोस्ट

नेपालगन्ज । सशस्त्र प्रहरीको टोलीले बाँकेबाट ठुलो परिमाणमा एउटा भ्यानसहित ठुलो परिमाणमा लेडिज ब्रा बरामद गरेको छ ।

सशस्त्र प्रहरी बल नम्बर ३० गण बागेश्वरी बाँकेबाट सशस्त्र प्रहरी नायब निरीक्षक भुपेन्द्र रोकायको कमान्डमा खटिएको टोलीले बाँकेको जानकी गाउँपालिकास्थित खजुरा खुर्दबाट आज बिहान ४ बजे भे १ च २६३९ नम्बरको भ्यानसहित १६६९ दर्जन लेडिज ब्रा बरामद गरेको सशस्त्र प्रहरी बल नम्बर ३० गण बागेश्वरी बाँकेका प्रमुख एसपी अशोक बमले बताए ।

गस्तीमा रहेको नायब निरीक्षक रोकायको टोलीले बर्दियाबाट आइरहेको उक्त भ्यान खजुरा खुर्दमा रोकिराखेको अवस्थामा चेकजाँचका क्रमम ती अवैध सामाग्री फेला परेको एसपी बमले भने ।

एसपी बमका अनुसार बरामद गरिएको 'ब्रा'को मूल्य ८ लाख १ हजार १२० रुपैयाँ र तस्करी गर्न प्रयोग गरिएको भ्यानको मूल्य ५ लाख रुपैयाँ गरी १३ लाख १ हजार १२० रुपैयाँ रहेको छ । बरामद गरिएका सबै अवैध ब्रा र भ्यानलाई आजै नेपालगन्ज भन्सार कार्यालय बुझाइएको सशस्त्र प्रहरी एसपी बमले जानकारी दिएका छन् ।

प्रकाशित मिति: सोमबार, मंसिर २७, २०७८ १५:१५