बाँकेको खजुराबाट ठुलो परिमाणमा लेडिज कपडासहित मिनि ट्रक बरामद

स्थानीय

गृहपृष्ठ
स्थानीय
बाँकेको खजुराबाट ठुलो परिमाणमा लेडिज कपडासहित मिनि ट्रक बरामद

बाँकेको खजुराबाट ठुलो परिमाणमा लेडिज कपडासहित मिनि ट्रक बरामद

बिहीबार, पुस १, २०७८ बागेश्वरी पोस्ट

नेपालगन्ज । सशस्त्र प्रहरीको टोलीले बाँकेको खजुराबाट मिनि ट्रकसहित ठुलो परिमाणमा लेडिज सुट बरामद गरेको छ ।

सशस्त्र प्रहरी बल नम्बर ३० गण बागेश्वरी बाँकेबाट सशस्त्र प्रहरी नायब निरीक्षक भुपेन्द्र रोकायको कमान्डमा खटिएको टोलीले बाँकेको खजुरा गाउँपालिका ७ सोनपुरबाट आज बिहान ४ बजे भे १ च ११४९ नम्बरको मिनि ट्रकसहित ५९० पुस लेडिज सुट बरामद गरेको सशस्त्र प्रहरी बल नम्बर ३० गण बागेश्वरी बाँकेका प्रमुख एसपी अशोक बमले बताए ।

गस्तीमा रहेको नायब निरीक्षक रोकायको टोलीले बर्दियाबाट मिनि ट्रकमा तस्करी गरेर ल्याउँदै गरिएको अवस्थामा चेकजाँचका क्रममा ठुलो परिमाणमा लेडिज सुट फेला परेको एसपी बमले जानकारी दिएका छन् ।

बरामद गरिएको ५९० पिस लेडिज सुटको मूल्य ७ लाख ८ हजार रुपैयाँ र तस्करी गर्न प्रयोग गरिएको मिनि ट्रकको मूल्य मूल्य १२ लाख रुपैयाँ गरी १९ लाख ८ हजार रुपैयाँ रहेको छ । बरामद गरिएका लेडिज सुट र मिनि ट्रकलाई आजै नेपालगन्ज भन्सार कार्यालय बुझाइएको सशस्त्र प्रहरी एसपी बमले जानकारी दिएका छन्। केहिदिन अघिमात्र सशस्त्र प्रहरीले बर्दियाबाट तस्करी भएर आउँदै गरेको ठुलो परिमाणमा ब्रा र भ्यान बरामद गरेको थियो।

प्रकाशित मिति: बिहीबार, पुस १, २०७८ १३:५९

प्रतिक्रिया दिनुहोस्