बाँके ट्राफिक प्रमुखमा हिमालय शाहले कमान्ड सम्हाल्दै

स्थानीय

गृहपृष्ठ
स्थानीय
बाँके ट्राफिक प्रमुखमा हिमालय शाहले कमान्ड सम्हाल्दै

बाँके ट्राफिक प्रमुखमा हिमालय शाहले कमान्ड सम्हाल्दै

शनिबार, पुस ३, २०७८ बागेश्वरी पोस्ट

प्रहरी निरीक्षक हिमालय शाह

नेपालगन्ज । प्रहरी प्रधान कार्यालयले जिल्ला ट्राफिक प्रहरी कार्यालय बाँकेमा नयाँ ट्राफिक प्रमुख पठाउने भएको छ।

बाँके ट्राफिक प्रमुख रुपमा प्रहरी निरीक्षक हिमालय शाहलाई प्रधान कार्यालयले सरुवा गर्न लागेको छ । यसअघिका ट्राफिक प्रमुख ऐन बहादुर मल्लको प्रहरी नायब उपरीक्षकमा बढुवा भएपछि खाली रहँदै आएको स्थानमा प्रहरी निरीक्षक शाह आउन लागेका हुन् । प्रहरी निरीक्षक शाह प्रधानमन्त्री शेरबहादुर देउवाका अङ्ग रक्षक हुन् ।

संगठनप्रति इमान्दारीका साथ कार्य गर्ने प्रहरी निरीक्षक शाहले बाँकेको भौगोलिक र सामाजिक अवस्था राम्रोसँग बुझेकाले ट्राफिक प्रहरीको कमाण्ड सम्हाल्ने जिम्मेवारी पाएपछि बाँके ट्राफिक व्यवस्थापनमा सुधार आउने अपेक्षा गरिएको छ ।

यसअघिका प्रमुख मल्ल बढुवा भएपछि एक महिनादेखि बाँके ट्राफिक प्रहरी कार्यालयको निमित्त प्रमुखको जिम्मा प्रहरी नायव निरीक्षक सिद्दी गणेश शाहले सम्हाल्दै आएका छन् ।