बाँकेको फत्तेपुरमा बाघ आतंक, २ जना वालवाल बाँचे

स्थानीय

गृहपृष्ठ
स्थानीय
बाँकेको फत्तेपुरमा बाघ आतंक, २ जना वालवाल बाँचे

बाँकेको फत्तेपुरमा बाघ आतंक, २ जना वालवाल बाँचे

शनिबार, पुस ३, २०७८ बागेश्वरी पोस्ट

नेपालगन्ज । बाँकेको नेपालगन्ज नजिकको गाउँमा पाटेबाघ देखिएपछि स्थानीयहरु त्रसित बनेका छन् ।

आज दिउँसो राप्तीसोनारी गाउँपालिका ६ फत्तेपुरको गुलरी सामुदायिक वनभित्र दाउरा खोज्न गएका दुई जना स्थानीयहरुलाई पाटेबाघले डेढ घन्टासम्म घेरा हालेपछि उनीहरु रुखमा चढेर ज्यान बचाएका छन् । उनीहरु बाघको आक्रमण हुनबाट वालवाल बाँचेका छन् ।

सोही वडाकै खल्ला टेपरका कमानसिङ थारु र रामशरण थारुलाई उक्त बाघले करिब डेढ घन्टासम्म आक्रमण गर्ने तयारीमा घेरा हालेपनि रुखमा चढेर बाघको आक्रमणबाट सकुशल ज्यान जोगाएका कमानले बताए । कमानले रुखमा चढेर श्रीमतीलाई फोन गरि गाउँलेहरुलाई उद्दार गर्न पठाउन भनेपछि त्यस्को डेढ घन्टापछि गाउँलेहरु ७/८ वटा मोटसाइकलमा होहल्ला गर्दै आएपछि बाघ भागेको थियो ।

आज दिउँसो उनीहरुलाई साढे १२ बजेदेखि घेरा हालेर बसेको पाटेबाघ त्यसको डेढ घन्टापछि गाउँलेहरु आएपछि भागेको कमानले बताए । आफुहरुलाई आक्रमण गर्न खोजेको पाटेबाघ धेरै ठुलो रहेको आक्रमणबाट बाच्न सफल भएका कमानले बताए । उनीहरु दुवै जनालाई बाघले आक्रमण गर्न खोजेको स्थान राप्तीसोनारी ६ र ५ को सिमानामा पर्दछ ।

प्रकाशित मिति: शनिबार, पुस ३, २०७८ २३:०१