नेपालगञ्जको जमुनाह नाकाबाट लागूऔषधसहित बिष्ट पक्राउ

सुरक्षा-अपराध

गृहपृष्ठ
सुरक्षा-अपराध
नेपालगञ्जको जमुनाह नाकाबाट लागूऔषधसहित बिष्ट पक्राउ

नेपालगञ्जको जमुनाह नाकाबाट लागूऔषधसहित बिष्ट पक्राउ

मंगलबार, पुस ६, २०७८ बागेश्वरी पोस्ट

नेपालगञ्ज । बाँकेको नेपालगञ्ज सिमा नाकाबाट लागूऔषधसहित एक जना युवक पक्राउ परेका छन् ।

आज दिउँसो साढे ३ बज नेपालगञ्ज उपमहानगरपालिका वडा नम्बर १५ जमुनाह गाउँबाट लागूऔषध नाइट्रोभेटसहित शैलेशिखर नगरपालिका ९ दार्चुलाका १९ बर्षीय नरेन्द्र बिष्टलाई जमुनाह प्रहरीको टोलीले पक्राउ गरेको छ ।

जमुनाह गाउँस्थित चोर बाटो प्रयोग गरेर लुकिछिपी आएका बिष्टलाई २० फाइल (३००) पिस नाइट्रोभेट टयाबलेटसहित पक्राउ गरिएको इलाका प्रहरी कार्यालय जमुनाहका इन्चार्ज प्रहरी नायब निरीक्षक मीन बहादुर बिष्टले जानकारी दिएका छन् ।

शंकाष्पद तरिकाले नेपालगञ्ज आउँदै गरेका बिष्टलाई चेकजाँचका क्रममा लागूऔषधसहित नियन्त्रणमा लिएको प्रहरी नायब निरीक्षक बिष्टले बताए । पक्राउ परेका बिष्टसँग थप अनुसन्धान भइरहेको प्रहरी नायब निरीक्षक बिष्टले जानकारी दिएका छन् ।

प्रकाशित मिति: मंगलबार, पुस ६, २०७८ १७:३३

प्रतिक्रिया दिनुहोस्