चालकसँग बाँके ट्राफिक प्रहरीले गर्यो सचेतना कार्यक्रम

स्थानीय

गृहपृष्ठ
स्थानीय
चालकसँग बाँके ट्राफिक प्रहरीले गर्यो सचेतना कार्यक्रम

चालकसँग बाँके ट्राफिक प्रहरीले गर्यो सचेतना कार्यक्रम

बुधबार, पुस ७, २०७८ बागेश्वरी पोस्ट

नेपालगन्ज । जिल्ला ट्राफिक प्रहरी कार्यालय बाँकेले सवारी चलाकहरुसँग ट्राफिक सचेतना कार्यक्रम गरेको छ ।

जिल्ला ट्राफिक प्रहरी कार्यालय मातहतको चिसापानी ट्राफिक पोष्टमा नेपालगन्जदेखि सुर्खेततर्फ जाने र सुर्खेतबाट नेपालगन्जतर्फ आउने सवारीसाधनका चालक तथा सहचालकहरुलाई ट्राफिक सचेतना सम्बन्धी जनचेतनामूलक कार्यक्रम गरेको हो ।

दुर्घटना न्यूनिकरण गर्न गरिएको जनचेतनामूलक ट्राफिक सचेतना कार्यक्रममा १०० बढी सवारीसाधनका चालक तथा सहचालकहरुलाई ट्राफिक नियम बारेमा जानकारी गराइएको चिसापानी पोष्टकी इन्चार्ज प्रहरी हवल्दार सबिता रावलले जानकारी दिएकी छिन् ।

जनचेतना कार्यक्रम पश्चात् सबै चालक तथा सह-चालकहरुले ट्राफिक नियमको पालना गर्ने र दुर्घटना न्यूनिकरण गर्न आफू लाग्ने र अरुलाई पनि अभिप्रेरित गर्ने बताएका छन् । त्यस अवसरमा कोरोना महामारी बारेमा समेत सचेत रहन सबैलाई मास्क समेत वितरण गरिएको थियो ।

प्रकाशित मिति: बुधबार, पुस ७, २०७८ ११:४१

प्रतिक्रिया दिनुहोस्