डुडुवाको दशौं गाउँसभा सम्पन्न, सात विधेयक पारित

स्थानीय

गृहपृष्ठ
स्थानीय
डुडुवाको दशौं गाउँसभा सम्पन्न, सात विधेयक पारित

डुडुवाको दशौं गाउँसभा सम्पन्न, सात विधेयक पारित

बिहीबार, पुस ८, २०७८ बागेश्वरी पोस्ट

डुडुवा (बाँके) । डुडुवा गाउँपालिकाको दशौं गाउँसभाले सात वटा विधेयक पारित गरेको छ । आज विहीबार बसेको सभाले डुडुवा गाउँपालिकाको आधारभूत स्वास्थ्य तथा सरसफाई विधेयक २०७८, संस्था दर्ता विधेयक २०७८, डुडुवा गाउँपालिकाको स्थानीय पूर्वाधार व्यवस्थापन विधेयक २०७८, डुडुवा गाउँपालिकाको सार्वजनिक, निजी तथा अन्तर सरकारी साझेदारी विधेयक २०७८, डुडुवा गाउँपालिकाको स्थानीय सडक विधेयक २०७८ र डुडुवा गाउँपालिकाको नगर प्रहरी विधेयक २०७८, गाउँपािलकाको तथ्यांक संकलन तथा अभिलेख व्यवस्थापन विधेयक २०७८ गरी सात वटा विधेयक र डुडुवा गाउँपालिकाको स्वास्थ्य नीति २०७८ पारित गरेको हो ।

No description available.

सभामा विधेयक समितिका संयोजक लिलावती यादवले प्रस्तुत गरेको विधेयक सर्बसम्मत रुपमा पारित गरिएको हो । गाउँसभामा गाउँपालिका अध्यक्ष नरेन्द्रकुमार चौधरीले हालसम्मको प्रगति प्रतिबेदन र संशोधित बजेट प्रस्तुत गरेका थिए । गाउँसभाले गाउँपालिकाको चालू आर्थिक वर्ष २०७८–०७९ को बजेटमा संशोधन पनि गरेको छ । चालू आर्थिक वर्षको बजेटका केही कार्यक्रमहरुको बजेट कटौती र केही कार्यक्रमहरुमा रकम थप गर्ने गरी गरिएको बजेट संशोधन पारित गरिएको थियो ।

डुडुवा गाउँपालिकाले अहिले जिल्लास्तरमै नमूनाको रुपमा काम गर्न सफल भएको पालिका अध्यक्ष चौधरीले बताए । उनका अनुसार स्वास्थ्य क्षेत्रमा सबभन्दा बढी अंक ल्याएर जिल्लामै पहिलो, विभिन्न निति निर्णय र प्रक्रियामा गरिएको काम अन्तर्गत् स्वमूल्यांकनमा पनि जिल्लामा पहिलो, घरघरमा पशु उपचार सेवामा देशकै पहिलो स्थानीय तह र बाँके जिल्लामै सबभन्दा कम बेरुजु डुडुवामा रहेको पाइएको छ ।

गाउँपालिकाले मुख्य लक्ष्य लिएर शुरु गरेको विभिन्न नमूना योजनाहरु सफल भएको चौधरीले बताए । गाउँपालिकाले जेष्ठ नागरिकसंग गाउँपालिका अध्यक्ष कार्यक्रम, जेष्ठ नागरिक उपचार सेवा, जेष्ठ नागरिकलाई समाजिक सुरक्षा भत्ता वितरण, घरघरमा घटना दर्ता अभियान जस्ता कार्यक्रम प्रभावकारी देखिएको छ ।

सदस्य सचिव प्रमुख प्रशासकीय अधिकृत परशुराम उपाध्यायले संचालन गरेको सभामा गाउँपालिका उपाध्यक्ष शाहिदा बानो, वडाध्यक्षहरु, वडा सदस्य, कार्यपालिका सदस्य लगायतको सहभागिता रहेको थियो । गाउँपालिकामा कार्यरत उत्कृष्ट कर्मचारीहरुलाई कदरपत्रले सम्मान समेत गरिएको थियो ।

प्रकाशित मिति: बिहीबार, पुस ८, २०७८ १९:५३

प्रतिक्रिया दिनुहोस्