दाङका एक कैदी प्रहरीको मोटरसाइकल चढेर फरार

सुरक्षा-अपराध

गृहपृष्ठ
सुरक्षा-अपराध
दाङका एक कैदी प्रहरीको मोटरसाइकल चढेर फरार

दाङका एक कैदी प्रहरीको मोटरसाइकल चढेर फरार

शुक्रबार, पुस ९, २०७८ बागेश्वरी पोस्ट

सांकेतिक तस्बिर

नेपालगन्ज । कैदीनै प्रहरीको मोटरसाइकल लिएर फरार भएका छन् ।

कर्तव्य ज्यान मुद्दामा २० वर्ष कैद सजाय पाएर दाङ कारागारमा जेल सजाय भुक्तानी गरिएका एक कैदी प्रहरीको मोटरसाइकल लिएर फरार भएका हुन् । फरार हुने कैदी राजपुर गाउँपालिका दाङका २८ बर्षीय जयराम परियार रहेका छन् ।

बिहीबार बिहान ११ बजे कारागारबाट छालाको उपचार गर्न भनेर अस्पताल गएका उनी त्यसको केहिबेरपछि अस्पतालबाट भागेका हुन् ।

घोराही कारागारका नाइके समेत रहेका परियार अस्पताल गएको बेला मोटरसाइकल लिएर फरार भएको जिल्ला प्रहरी दाङले पुष्टि गरेको छ ।

परियार बिहीबार प्रहरी जवान धनबहादुर चौधरीसँग लु ३४ प ४१० नम्बरको मोटरसाइकल चढेर उपचार गराउन गएका थिए । जवान चौधरीले परियार फरार भएको लामो समयपछि जिल्ला प्रहरी दाङलाई जनकारी गराएको हुँदा चौधरीको मिलेमतोमा परियार फरार भएको हुन सक्ने जिल्ला प्रहरी दाङले जनाएको छ ।

अस्पतालबाट फरार भएका परियारको खोजी कार्य तिब्र पारिएको जिल्ला प्रहरी दाङले जानकारी दिएको छ ।

प्रकाशित मिति: शुक्रबार, पुस ९, २०७८ १२:५४

प्रतिक्रिया दिनुहोस्