जमुनाह नाकाबाट लागूऔषधसहित आज अर्का युवक पक्राउ

सुरक्षा-अपराध

गृहपृष्ठ
सुरक्षा-अपराध
जमुनाह नाकाबाट लागूऔषधसहित आज अर्का युवक पक्राउ

जमुनाह नाकाबाट लागूऔषधसहित आज अर्का युवक पक्राउ

सोमबार, पुस १२, २०७८ बागेश्वरी पोस्ट

नेपालगञ्ज। नेपालगञ्जको सिमा नाका जमुनाहबाट लागूऔषधसहित एक जना २४ बर्षीय युवक पक्राउ परेका छन् ।

आज बिहान पौने १० बजे नेपालगञ्जको जमुनाह नाकामा लागूऔषधसहित लम्कीचुहा नगरपालिका ४ कैलालीका २४ बर्षीय कर्ण बोगटीलाई इलाका प्रहरी कार्यालय जमुनाहको टोलीले पक्राउ गरेको हो ।

शंकास्पद तरिकाले रुपइडिहाबाट नेपालगञ्जतर्फ आउँदै गरेका बोगटीलाई चेकजाँचका क्रममा लागूऔषध १० पिस नाइट्रोभेट टयावलेट, २१० पिस ट्रामाडोल र २१५ पिस फेनिरामाट्रन एमिल ल्याउँदै गरेको अवस्थामा जमुनाह प्रहरीका इन्चार्ज प्रहरी नायब निरीक्षक मीन बहादुर बिष्टको कमान्डको टोलीले पक्राउ गरेको जिल्ला प्रहरी बाँकेले जानकारी दिएको छ ।

पक्राउ परेका कैलालीका बोगटीसँग थप अनुसन्धान भइरहेको जिल्ला प्रहरी बाँकेले बताएको छ । आइतबार साँझ पनि जमुनाह प्रहरी र लागू औषध नियन्त्रण ब्यूरोको संंयुक्त टोलीले लागू औषधसहित एक जनालाई पक्राउ गरेको थियो ।

प्रकाशित मिति: सोमबार, पुस १२, २०७८ १३:१५

प्रतिक्रिया दिनुहोस्