कांग्रेस नगर सभापति बिष्टको मोटरसाइकल हरायो,खोजी गर्न बाँके एसपीको निर्देशन

स्थानीय

गृहपृष्ठ
स्थानीय
कांग्रेस नगर सभापति बिष्टको मोटरसाइकल हरायो,खोजी गर्न बाँके एसपीको निर्देशन

कांग्रेस नगर सभापति बिष्टको मोटरसाइकल हरायो,खोजी गर्न बाँके एसपीको निर्देशन

मंगलबार, पुस १३, २०७८ बागेश्वरी पोस्ट

नेपालगन्ज । नेपालगन्जबाट नेपाली कांग्रेस नेपालगन्ज नगर सभापति प्रशान्त विष्टको मोटरसाइकल हराएको छ ।

नेपालगन्जस्थित हनुमानगढी मन्दिर बाहिर पार्किङ गरिराखेको भे ४ प ९६२२ नम्बरको सुपर स्पेलेन्डर मोटरसाइकल आज बिहान १० बजे एक्कासी हराएको नगर सभापति बिष्टले बताए । सधैं एकै ठाउँमा पार्किङ गरिराख्ने मोटरसाइकल आज एकाएक हराउँदा आफैं अचम्मित भएको सभापति बिष्टले बताएका छन् । "सायद मोटरसाइकल चोरी गर्ने कुनै गिरोह मेरो पछि लागेको हुँदा आज चोरी गरेको हुन सक्छ," सभापति बिष्टले भने ।

यता जिल्ला प्रहरी बाँकेका एसपी श्याम कृष्ण अधिकारीले हराएको मोटरसाइकलको खोजी कार्य गर्न सम्बन्धित प्रहरी कार्यालय, सीमा प्रहरी र सादा पोशाकमा खटिएका प्रहरीलाई निर्देशन जारी गरिसकेका छन् ।

उक्त भे ४ प ९६२२ नम्बरको मोटरसाइकल खोज्न सादा पोशाकमा प्रहरी परिचालन समेत गरिसकेको एसपी अधिकारीले जानकारी दिए । सधैं एकै स्थानमा पार्किङ गरिरहने मोटरसाइकल हराउँदा आफैँ पनि अचम्मित परेको एसपी अधिकारीले बताएका छन् । यता प्रहरीले मोटरसाइकल चोरी गर्ने गिरोहहरुको निगरानी बढाएको छ । जसरी पनि मोटरसाइकल चोरी गर्ने गिरोहको यात्रामा पुर्णबिराम लगाएर कडा कारबाही गर्ने एसपी अधिकारीले जानकारी दिएका छन् ।

प्रकाशित मिति: मंगलबार, पुस १३, २०७८ १४:४४

प्रतिक्रिया दिनुहोस्