'चालकसँग ट्राफिक प्रहरी' अन्तर्गत नेपालगन्जको राँझामा दिइयो प्रशिक्षण

स्थानीय

गृहपृष्ठ
स्थानीय
'चालकसँग ट्राफिक प्रहरी' अन्तर्गत नेपालगन्जको राँझामा दिइयो प्रशिक्षण

'चालकसँग ट्राफिक प्रहरी' अन्तर्गत नेपालगन्जको राँझामा दिइयो प्रशिक्षण

मंगलबार, पुस १३, २०७८ बागेश्वरी पोस्ट

नेपालगन्ज । जिल्ला ट्राफिक प्रहरी कार्यालय बाँकेले "चालकसँग ट्राफिक प्रहरी" अन्तर्गत चालक तथा सह- चालकहरुलाई ट्राफिक सचेतना सम्बन्धि प्रशिक्षण दिएको छ ।

जिल्ला ट्राफिक प्रहरी कार्यालय मातहतको ट्राफिक पोष्टमा गनापुरले नेपालगन्जबाट कोहलपुरतर्फ जाने र कोहलपुरबाट नेपालगन्ज आउने लामो तथा छोटो दुरी तथा मोटरसाइकल लगायत अन्य सवारीसाधनका चालक तथा सह-चालकहरुलाई आज लुम्बिनी प्रदेश स्तरीय सचेतना कार्यक्रम अन्तर्गत “चालकसँग ट्राफिक प्रहरी” कार्यक्रम अन्तर्गत सवारी चालक, सह-चालकहरुलाई ट्राफिक नियमबारे जनचेतना सम्बन्धि प्रशिक्षण दिइएको हो ।

आज सयौं बढी सवारीसाधनका चालक तथा सहचालकहरुलाई दुर्घटनाबाट बच्ने उपाय, सडक प्रयोग गर्दा अपनाउनुपर्ने सावधानी, ओभरटेक कसरी गर्ने, दाँया बायाँ कसरी मोड्ने, सवारीको गति, लेन अनुशासन, दुर्घटना न्यूनीकरण, जाडोको समयमा हुस्सु (कुहिरो )लागेको बेला सवारी साधन चलाउँदा अपनाउनु पर्ने सजकता सम्बन्धि बिषयमा गनापुर ट्राफिकका इन्चार्ज प्रहरी नायब निरीक्षक ओम प्रसाद पौडेलले सचेतनामुलक प्रशिक्षण दिएका हुन् ।

प्रशिक्षण कार्यक्रम पश्चात् सबै चालक तथा सह-चालकहरुले ट्राफिक नियमको पालना गर्ने र दुर्घटना न्यूनीकरण गर्न आफू लाग्ने र अरुलाई पनि अभिप्रेरित गर्ने बताएका छन् ।

प्रकाशित मिति: मंगलबार, पुस १३, २०७८ २०:५७