जिपलाई ट्रक र बसले ठक्कर दिँदा बैंक म्यानेजरको मृत्यु

सुरक्षा-अपराध

गृहपृष्ठ
सुरक्षा-अपराध
जिपलाई ट्रक र बसले ठक्कर दिँदा बैंक म्यानेजरको मृत्यु

जिपलाई ट्रक र बसले ठक्कर दिँदा बैंक म्यानेजरको मृत्यु

बुधबार, पुस १४, २०७८ बागेश्वरी पोस्ट

नेपालगन्ज । जिप दुर्घटनामा बैंक म्यानेजरको मृत्यु भएको छ । दुर्घटनामा दुई जना गम्भीर घाइते भएका छन् ।

कपिलवस्तुको बाणगंगामा गएराती १० बजे भएको जिप दुर्घटनामा जितपुर ४ नम्वरमा रहेको साईन रेसुंगा डेभलपमेन्ट बैंकका म्यानेजर ३५ बर्षीय अनुराग पाण्डेको मृत्यु भएको प्रहरीले जानकारी दिएको छ । पाण्डेको उपचारका गएरातीनै क्रममा मणिग्रामस्थित क्रिमसन अस्पतालमा मृत्यु भएको थियो ।

दुर्घटनामा अन्य दुई जना गम्भीर घाइते भएका छन् । गम्भीर घाइते सुदिप खनाल र राजेश शर्माको उपचार बुटवलमा भइरहेको छ । पुर्व-पश्चिम राजमार्ग अन्तर्गत कपिलवस्तुको बाणगंगा नगरपालिका बुंचीमा बा ६ च ११६४ नम्बरको उक्त जिपलाई नम्बर नखुलेको ट्रकले ठक्कर दिएको थियो ।

ट्रकको ठक्करबाट अनियन्त्रित भएको उक्त जिपलाई फेरि बसले ठक्कर दिएको हो । ठक्कर दिने ट्रक र बसको नम्बर नखुलेको कारण अझै फेला नपरेको प्रहरीले जानकारी दिएको छ ।

प्रकाशित मिति: बुधबार, पुस १४, २०७८ ०९:४३

प्रतिक्रिया दिनुहोस्