'फोहर ब्यवस्थापनमा नमूनायोग्य काम भएको छ'–नेपालगञ्ज उपमहानगरपालिका

स्थानीय

गृहपृष्ठ
स्थानीय
'फोहर ब्यवस्थापनमा नमूनायोग्य काम भएको छ'–नेपालगञ्ज उपमहानगरपालिका

'फोहर ब्यवस्थापनमा नमूनायोग्य काम भएको छ'–नेपालगञ्ज उपमहानगरपालिका

बुधबार, पुस १४, २०७८ बागेश्वरी पोस्ट

नेपालगञ्ज । नेपालगञ्ज उपमहानगरपालिकाले फोहर ब्यवस्थापनको क्षेत्रमा मुलुकमै नमूनायोग्य काम गरिरहेको सार्वजनिक गरेको छ । नगर कार्यपालिकाका प्रबक्ता प्रमोद रिजालले आज विज्ञप्ती जारी गरी नेपालगञ्जलाई सुन्दर, सफा र हरित शहर बनाउनका लागि सुरुवातदेखि नै पहलकदमी अघि बढाइएको उल्लेख गरिएको छ । देशमा विभिन्न शहरमा ल्याण्डफिल साइट निर्माण कार्य पूरा नभएको अवस्थामा नेपालगञ्जमा भने ल्याण्डफिल साइट निर्माण भई सञ्चालनमा आइसकेको छ ।

विज्ञप्तीमा नेपालगञ्जमा दैनिक फोहर ब्यवस्थापनका लागि स्थायी, ज्यालादारी र करारमा गरी १५५ जना कर्मचारी कार्यरत रहेको र उनीहरुको मासिक तलबमा ३४ लाख ९ हजार ४०१ रुपैयाँ मात्रै खर्च हुने स्पष्ट पारिएको छ । सरसफाईको नाममा मासिक चार करोड शिर्षकमा एक सञ्चार माध्यममा प्रकाशित समाचारको भ्रममा नपर्न उपमहानगरपालिकाले सबैमा अनुरोध गरेको छ ।

मुख्य सडकको फोहर ब्यवस्थापनका लागि ई–विडिङ्ग मार्फत् फर्महरु छनौट गरिएको र सार्वजनिक निजी साझेदारी अन्तर्गत केही वडामा वडा कार्यालयको सिफारिस तथा नगर कार्यपालिकाको निर्णयका आधारमा घरघरबाट फोहर संकलनका लागि गैरसरकारी संस्थाहरु छनौट हुने विज्ञप्तीमा स्पष्ट पारिएको छ ।
यस्तो छ नेपालगञ्ज उपमहानगरपालिकाले जारी गरेको विज्ञप्ती-

No description available.