नेपालगन्जको जमुनाह नजिक एक जना पुरुषको शव भेटियो

स्थानीय

गृहपृष्ठ
स्थानीय
नेपालगन्जको जमुनाह नजिक एक जना पुरुषको शव भेटियो

नेपालगन्जको जमुनाह नजिक एक जना पुरुषको शव भेटियो

शनिबार, पुस १७, २०७८ बागेश्वरी पोस्ट

नेपालगन्ज । नेपालगन्जको सिमा नाका जमुनाह नजिक एक जना पुरुषको शव फेला परेको छ । अन्दाजी ७०-७५ बर्षका पुरुषको शव नेपालगन्ज १५ को वडा कार्यालय नजिक पालभित्र सुतिरहेको अवस्थामा भेटिएको इलाका प्रहरी कार्यालय जमुनाहका प्रमुख प्रहरी नायब निरीक्षक मीन बहादुर बिष्टले जानकारी दिएका छन् ।

मृतक पुरुष भारतीय नागरिक भएपनि उनको नाम ठेगाना नखुलेको नायब निरीक्षक बिष्टले जानकारी दिए । पहिलादेखि नै सोही स्थानमा बस्दै आएका ती मृतक पुरुषलाई एउटा पाल व्यवस्था गरिदिएपछि उनी वडा कार्यालय नजिक सुत्दै आएका थिए । लामो समयदेखि त्यस स्थानमा बस्दै आएका ती मृतक पुरुषले आफ्नो नाम कसैलाई नभनेको प्रहरी नायब निरीक्षक बिष्टले बताए ।

मृतक पुरुषले बाटोमा पैसा माग्दै हिंड्ने गरेको र मागेको पैसाले रक्सी सेवन गर्ने गरेको स्थानीयहरुले बताएका छन् । धेरै रक्सी सेवन गरेर अत्याधिक चिसोमा बाहिर सुतेका कारण मृत्यु भएको हुन सक्ने प्रहरीले अनुमान गरेको छ । शवको मुचुल्का गरेर पोस्टमार्टमका लागि भेरी अस्पताल पठाउन लागिएको प्रहरी नायब निरीक्षक बिष्टले जानकारी दिएका छन् ।

प्रकाशित मिति: शनिबार, पुस १७, २०७८ १०:५०

प्रतिक्रिया दिनुहोस्