नेपालगन्जको लुम्बिनी गार्मेन्टमा भीषण आगलागी, करोडौंको क्षति

स्थानीय

गृहपृष्ठ
स्थानीय
नेपालगन्जको लुम्बिनी गार्मेन्टमा भीषण आगलागी, करोडौंको क्षति

नेपालगन्जको लुम्बिनी गार्मेन्टमा भीषण आगलागी, करोडौंको क्षति

शनिबार, पुस १७, २०७८ बागेश्वरी पोस्ट

नेपालगन्ज । नेपालगन्जको एउटा कपडा गार्मेन्ट उद्योगमा भीषण आगलागी भएको छ । नेपालगन्ज वडा नम्बर २ को घरवारी टोलमा रहेको लुम्बिनी गार्मेन्ट उद्योगमा आज बिहान ३ बजे भीषण आगलागी हुँदा गार्मेन्टमा रहेका सबै जलेर नष्ट भएको छ ।

कालिमिया कस्मिराले सन्चालन गर्दै आएको उक्त गार्मेन्टमा रहेका लत्ताकपडा एबम् शिलाई मेसिन लगायत सबै जलेर नष्ट भएको जिल्ला प्रहरी कार्यालय बाँकेले जनाएको छ ।

आज बिहान ३ बजेबाट सुरु भएको आगो दमकल, प्रहरी र स्थानीयको सहयोगमा ३ बजेर ४५ मिनेटमा नियन्त्रणमा आएको बाँके प्रहरीले जानकारी दिएको छ । गार्मेन्टमा विद्युत सर्ट भएर आगलागी भएको हुन सक्ने प्रहरीले अनुमान गरेको छ ।

आगलागीमा गार्मेन्टमा रहेका सबै लत्ताकपडा लगायत सामाग्री जलेर नष्ट भएका कारण करोडौंको क्षति भएपनि एकिन विवरण नआइसकेको प्रहरीले जनाएको छ ।

प्रकाशित मिति: शनिबार, पुस १७, २०७८ १४:०४