नेपालगञ्जका मुख्य चोकहरुमा आगो ताप्ने ब्यवस्था

स्थानीय

गृहपृष्ठ
स्थानीय
नेपालगञ्जका मुख्य चोकहरुमा आगो ताप्ने ब्यवस्था

नेपालगञ्जका मुख्य चोकहरुमा आगो ताप्ने ब्यवस्था

मंगलबार, पुस २०, २०७८ बागेश्वरी पोस्ट

नेपालगञ्ज । अत्याधिक जाडो बढेपछि नेपालगञ्ज उपमहानगरपालिकाले मुख्य चोकहरुमा आगो ताप्ने ब्यवस्था गरेको छ ।

मंगलबार साँझ त्रिभुवन चौकबाट यसको सुरुवात गरिएको हो । नेपालगञ्ज उपमहानगरपालिकाका प्रमुख डा. धवल शम्शेर राणा, प्रमुख जिल्ला अधिकारी सुर्यवहादुर खत्री, उपप्रमुख उमा थापा मगर, प्रमुख प्रशासकीय अधिकृत गुरुदत्त सुवेदी, जिल्ला प्रहरी कार्यालय बाँकेका प्रमुख एसपी श्यामकृष्ण अधिकारी लगायतको उपस्थितिमा नेपालगञ्जका मुख्य चोकमा आगो ताप्ने ब्यवस्था गरिएको हो ।

आगो ताप्नका लागि डम सहित मुख्य चोकहरुमा सुरक्षितरुपमा दाउरा बाल्ने ब्यवस्था गरिएको छ । नेपालगञ्ज उपमहानगरपालिकाका प्रमुख प्रशासकीय अधिकृत सुवेदीका अनुसार मंगलबार ५० वटा डमसहित चौकहरुमा दाउरा सहित आगो ताप्ने ब्यवस्था मिलाइएको छ । बुधबारदेखि आवश्यक थप स्थानमा समेत आगो ताप्ने ब्यवस्था मिलाइने सुवेदीले बताए । अत्याधिक चिसो र शितलहर भएपछि नगरबासीलाई राहत पुगोस् भन्ने उद्देश्यले मुख्य चोकहरुमा दाउरा वितरण सहित आगो ताप्ने ब्यवस्था गरिएको छ । जाडो अवधिभर आगो ताप्ने ब्यवस्था मिलाइने जानकारी दिँदै सुवेदीले विपन्न समुदायका लागि थप राहत र सहयोगका कार्यक्रम संचालन गरिने बताए ।

प्रमुख जिल्ला अधिकारी खत्रीले शितलहरबाट नागरिकलाई प्रभावित हुन नदिन स्थानीय तहले गर्ने प्रयासमा सहयोग र समन्वय प्रशासनका तर्फबाट हुने बताए ।

प्रकाशित मिति: मंगलबार, पुस २०, २०७८ २१:२३

प्रतिक्रिया दिनुहोस्