बस दुर्घटनामा ९ महिने शिशुको मुत्यु

स्थानीय

गृहपृष्ठ
स्थानीय
बस दुर्घटनामा ९ महिने शिशुको मुत्यु

बस दुर्घटनामा ९ महिने शिशुको मुत्यु

सोमबार, पुस २६, २०७८ बागेश्वरी पोस्ट

नेपालगञ्ज । विरगञ्जदेखि सुर्खेत आउँदै गरेको बस दाङ देउखुरीको सिसहनियाँमा दुर्घटना हुँदा ९ महिने शिशुको मुत्यु भएको छ । दुर्घटनामा परी गम्भीर घाइते भएका शिशुको उपचारका लागि कोहलपुर ल्याउँदै गर्दा बाटोमै मृत्यु भएको प्रहरीले बताएको छ । प्रहरीका अनुसार भारतीय नागरिक असिर आलमका छोरा नानु आलमको मृत्यु भएको हो । शिशुको शवलाई कोहलपुर मेडिकल कलेजको शव गृहमा राखिएको छ ।

बसमा सवार ८ जना भन्दा धेरै घाइते छन् । घाइते हुनेमा पर्सा जिल्ला विरगञ्ज उपमहानगरपालिका १६ का ३५ वर्षीय रतन शाही, रौतहटका ३४ वर्षीय रामविनायक कुर्मी, भारत विहारका ४० वर्षीय सन्सात खातुन, सोही ठाउँ निवासी एन्डिल आलक र सुर्खेतको भेरीगंगाका १७ वर्षीय दिलबहादुर क्षेत्री रहेका छन् ।

त्यस्तै बर्दिया गेरुवा गाउँपालिका १ का ३८ वर्षीय पूर्णप्रसाद पाण्डे, बाँके कोहलपुर नगरपालिका १८ का ३५ वर्षीया शान्ता वली, हुम्ला तातोपानी गाउँपालिका ७ का ४५ वर्षीय धनबहादुर रावत र सोही ठाउँ बस्ने वर्ष ५२ का गोरख रावत सामान्य घाइते भएका छन् । बसमा २० जना यात्रु सवार थिए ।

प्रहरीका अनुसार बस अनियन्त्रित भएर २० मिटर तल पुगेको छ । बसका चालकलाई प्रहरीले नियन्त्रणमा लिएको छ ।विरगञ्जबाट सुर्खेत आउँदै गरेको ना ५ ख २०६ नम्बरको बस आज बिहान साढे ३ बजेतिर पूर्वपश्चिम राजमार्ग अन्तर्गत् राप्ती गाउँपालिका वडा नम्बर ५ दोलही खोला नजिक दुर्घटना भएको थियो ।

प्रकाशित मिति: सोमबार, पुस २६, २०७८ १०:४१