बसको ठक्करबाट एक जना विद्यार्थीको मृत्यु, चाबहिलमा तनाब

समाचार

गृहपृष्ठ
समाचार
बसको ठक्करबाट एक जना विद्यार्थीको मृत्यु, चाबहिलमा तनाब

बसको ठक्करबाट एक जना विद्यार्थीको मृत्यु, चाबहिलमा तनाब

सोमबार, पुस ७, २०७६ बागेश्वरी पोस्ट

काठमाडौं । बसले ठक्कर दिदा एक जना विद्यार्थीको मृत्यु भएको छ। भक्तपुर-काठमाडौं चल्ने बा ४ ख ५९२० नम्बरको बसको ठक्करबाट सोमबार बिहान पौने ६ बजे सृष्टि पन्तको ज्यान गएको हो।

आफ्नै साथीको ज्यान गएपछि आक्रोसित विद्यार्थीहरुले काठमाडौं-भक्तपुर रुटमै चल्ने बा ४ ख ७१०४ नम्बरको अर्को बसमा आगजनी गरेका हुन् । आगलागीबाट बस पूर्ण रूपमा नष्ट भएको छ ।

बसको ठक्करबाट गम्भीर घाइते पन्तलाई उपचारका लागि चाबहिलस्थित ओम अस्पताल पुर्‍याइएकोमा त्यही उनको मृत्यु भएको प्रहरीले जानकारी दिएको छ। गोरखा घर भएकी २१ वर्षीया पन्तलाई सडक पार गर्ने क्रममा बसले ठक्कर दिएको ज्ञवालीले बताए ।

उनी पशुपति क्याम्पस चाबहिलमा स्नातक चौथो वर्षमा अध्ययन गर्दथिन्। विद्यार्थीको प्रदर्शनपछि अहिले यो क्षेत्रको सवारी आवागमन प्रभावित भएको छ ।

प्रकाशित मिति: सोमबार, पुस ७, २०७६ १०:५८

प्रतिक्रिया दिनुहोस्