डुडुवामा जेष्ठ नागरिकलाई न्यानो कम्बल वितरण शुरु

स्थानीय

गृहपृष्ठ
स्थानीय
डुडुवामा जेष्ठ नागरिकलाई न्यानो कम्बल वितरण शुरु

डुडुवामा जेष्ठ नागरिकलाई न्यानो कम्बल वितरण शुरु

मंगलबार, पुस २७, २०७८ बागेश्वरी पोस्ट

डुडुवा (बाँके) । चिसो र शितलहरका बेला अहिले बालबालिका, जेष्ठ नागरिक, असहाय, तथा अति विपन्न परिवार बढी प्रभावित भएका छन । चिसोलाई मध्यनजर गर्दै बाँकेको डुडुवा गाउँपालिकाले जेष्ठ नागरिकलाई चिसोबाट बच्न न्यानो सामाग्री वितरण शुरु गरेको छ ।

गाउँपालिकाको वडा नंं १ देखि ६ वटै वडाका जेष्ठ नागरिकहरुलाई न्यानो कम्बल (व्ल्याङ्केट) र च्यवनप्राश वितरण गर्न शुरु गरेको हो । गाउँपालिका अध्यक्ष नरेन्द्रकुमार चौधरीले आज मंगलबार एक कार्यक्रमका बीच जेष्ठ नागरिकहरुलाई कम्वल हस्तारण गरे ।

त्यस अवसरमा बोल्दै अध्यक्ष चौधरीले अहिले चिसो मौसममा यो न्यानो कम्बलले मद्दत पुर्याउने विश्वास व्यक्त गरे । उनले गाउँपालिकाले जेष्ठ नागरिकलाई लक्षित गरी विशेष कार्यक्रमको प्याकेज लागू गरेको भन्दै अब डुडुवाका कुनै पनि जेष्ठ नागरिकलाई स्वास्थ्य लगायतका सेवाबाट बञ्चित हुनुपर्ने अवस्था नआउने बताए । गाउँपालिकाले अहिले जेष्ठ नागरिकका लागि छुट्टै १५ शैयाको अस्पताल संचालनको तयारी गरेकाले स्वास्थ्य सम्वन्धि सम्पूर्ण उपचारको व्यवस्था गरिने बताए ।

गाउँपालिकाको ६ वटै वडामा ७० वर्ष पूरा गरेका जेष्ठ नागरिक, ६० वर्ष पूरा गरेका जेष्ठ नागरिक दलित र एकल महिला गरी दुई हजार सात सय २८ जनालाई कम्वल र च्यवनप्राश वितरण गरिने वडा सचिव शिवकुमार मौर्यले बताए । आज १ सय ५० जनालाई उक्त कम्बल वितरण गरिएको छ । हिँड्डुल गर्न नसक्ने जेष्ठ नागरिकहरुलाई गाउँपालिकाले सवारी साधनको प्रयोग गरी घरबाटै ल्याउने लैजाने समेत व्यवस्था गरेको छ ।

प्रकाशित मिति: मंगलबार, पुस २७, २०७८ १५:४८

प्रतिक्रिया दिनुहोस्