नेपालगञ्जको १०औं नगरसभाबाट भू–उपयोग ऐन र संचार नीति पारित

स्थानीय

गृहपृष्ठ
स्थानीय
नेपालगञ्जको १०औं नगरसभाबाट भू–उपयोग ऐन र संचार नीति पारित

नेपालगञ्जको १०औं नगरसभाबाट भू–उपयोग ऐन र संचार नीति पारित

आइतबार, माघ २, २०७८ बागेश्वरी पोस्ट

नेपालगञ्ज । नेपालगञ्ज उपमहानगरपालिकाको १०औं नगरसभा आज सम्पन्न भएको छ ।

नगरसभाले भू–उपयोग र जग्गा ब्यवस्थापनलाई ब्यवस्थित, बैज्ञानिक र पारदर्शी बनाउने उद्देश्यका साथ भू–उपयोग ऐन संशोधन सहित पारित गरेको छ । नेपालगञ्न उपमहानगरपालिकाका उपप्रमुख उमा थापा मगरका अनुसार नगरसभाले नगर सञ्चार नीति–२०७८ पनि संशोधन सहित पारित गरेको छ ।

नगरसभाले नेपालगञ्ज उपमहानगरपालिका र वडा कार्यालयहरुको आर्थिक विवरण र रकमान्तरण गर्ने निर्णय गरेको छ । नगरसभालाई सम्बोधन गर्दै नगर प्रमुख डा. धवलशम्शेर राणाले आफूहरुको कार्यकाल सफल भएको बताए । कार्यपालिकामा चार वटा पार्टीको प्रतिनिधित्व भएपनि सहमतिका आधारमा निर्णय हुने गरेको स्मरण गर्दै उनले ५ बर्षे कार्यकाललाई सुनौलो समयको रुपमा लिनुपर्ने बताए ।

उनले विकास कार्य निरन्तर चल्ने भन्दै चालू आवका कार्यक्रम छिटो भन्दा छिटो सम्पन्न गर्न जनप्रतिनिधि र कर्मचारीहरुमा आग्रह गरे । प्रमुख प्रशासकीय अधिकृत गुरुदत्त सुवेदीले स्वागत गरेको कार्यक्रमको सञ्चालन नगर कार्यपालिकाका प्रबक्ता वडा अध्यक्ष प्रमोद रिजालले गरेका थिए ।

प्रकाशित मिति: आइतबार, माघ २, २०७८ १६:३३